Y.Cəfərliyə hücum haqqında proses pozuntularla gedir

Hərbi ekspert Yaşar Cəfərliyə hücum işi üzrə məhkəmənin növbəti iclası avqustun 1-də keçiriləcək. Onun vəkili Əvəz Temirxanın verdiyi məlumata görə, əvvəlki iclaslar pozuntularla keçib. “Məhkəmə və ittiham tərəfi zərərçəkmişə qarşı qərəzli münasibət nümayiş etdirir”, deyə o qeyd edib.

Vəkil bildirib ki, Cəfərliyə hücum edən ikinci şəxs istintaqdan gizlənir, ikinci zərərçəkmiş Elxan Hüseynovun üzərində aşkar edilmiş bıçak isə protokollaşdırılmayıb və əşyavi dəlillər siyahısına daxil edilməyib. Bununla, istintaq işi silahlı qrupun hücumu kimi təqdim etməkdən yayınıb.

İclasda bununla bağlı çoxsaylı vəsatətlərə baxmayaraq, hakim onları təmin etməyib. “Yuxarıda deyilənləri nəzərə alaraq, məhkəmənin ədalətli qərar çıxaracağına inanmaq çətindir”, deyə Temirxan bildirib.

* Xatırladaq ki, aprelin 2-də axşam 9.30 radələrində Müdafiə Nazirliyinin iki zabiti Yaşar Cəfərlinin evi qarşısında ona hücum ediblər və onu döyməyə başlayıblar. Qonşularının köməyi ilə Cəfərli onlardan birini saxlayıb polisə təhvil verməyə müvəffəq olub. Lakin ikincisini polis axtarmayıb, baxmayaraq ki, onun adı məlum idi.

Cəfərli özü ona qarşı hücumun orduda korrupsiya və nöqsanlara görə kəskin tənqid etdiyi müdafiə naziri Səfər Əbiyevin adamları tərəfindən təşkil edildiyinə inanır. -05D-