Pünhan Kərimli
Bakı/02.02.22/Turan: Ötən ilin noyabrında readmissiya qaydasında Almaniyadan qaytarılmış Xalq Cəbhəsi Partiyasının fəalı Pünhan Kərimli narkotik ticarətində ittiham olunub.
O, yanvarın 25-də Bakıda "Nərimanov" metrosunun qarşısında saxlanılıb, bu barədə Turan-a onun atası Vahid Kərimov bildirib. Hazırda fəal Şüvəlan qəsəbəsində 3 saylı İstintaq Təcridxanasında saxlanılır.
"Oğlumun həbsi siyasi sifarişdir, onun siyasi fəaliyyəti ilə bağlıdır. Oğlum Almaniyada iqtidarın əleyhinə aksiyalarda iştirak etdiyinə görə qisas alırlar", deyə fəalın atası bildirib.
Onun sözlərinə görə, Pünhan ötən il noyabrın 24-də Almaniyadan göndərilib. "Oğlum evə gələrkən alman polisi saxlayıb və Azərbaycana readmissiya edilib. Həyat yoldaşının onun saxlanılmasından xəbəri olmayıb. Bakıya gətirildikdən sonra iki həftə karantində saxlayıblar. Orada 3 nəfər mülki geyimli şəxs onu sorğu-sual edib, deyə ata qeyd edib.
Pünhan Kərimlinin 32 yaşı var. O, 2018-ci il oktyabrın 8-də mühacirətə gedib. Mühacirətə gedənədək AXCP fəalı kimi etiraz aksiyalarında iştirak edib və təqiblərə məruz qalıb. Bu səbəbdən ölkəni tərk etməyə məcbur olub. Kərimlinin hüquqlarını vəkil Cavad Cavadov müdafiə edir.
Qeyd edək ki, yanvarın 27-də 2021-ci ilin noyabrında Almaniyadan göndərilmiş daha bir fəal - Cəfər Mirzəyev də narkotik maddələrin qanunsuz dövriyyəsində ittiham olunaraq saxlanılıb.
Bundan başqa, ötən ilin payızında yenə AFR-dən göndərilmiş iki fəal - Mütəllim Orucov və Malik Rzayev həbs edilib. -06B-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz