![Alpinistlərimizdən növbəti uğur: 3 zirvə fəth edildi](https://turan.az/resized/750/500/resize/media/2013/main/093000051686.jpg)
Alpinistlərimizdən növbəti uğur: 3 zirvə fəth edildi
Azərbaycan Alpinizm Federasiyasının (AAF) mətbuat xidmətindən verilən məlumata görə, 20-28 sentyabr 2013-cü il tarixlərində Dağçılıq İdman Klubu (DİK) Gürcüstanın Çauxi dağ massivində alpinizm üzrə təlim-məşq toplantısı keçirib. Ekspedisiyanın iştirakçıları müxtəlif çətinliyi olan Muxadze, Tikanadze və Rçeulişvili zirvələrini fəth ediblər.
Qeyd edək ki, on nəfərdən ibarət olan komandada həm tərcübəsiz, həm də təcrübəli idmançılar yer alıblar. Təcrübəlilərin qayaya dırmanma üzrə 2-ci dərəcələri var. İdmançıların maraq dairələri asan marşrutdan çətin marşrutadək dəyişib.
Bundan əlavə, sözüqedən dağ ərazisi idmançılarımız tərəfindən yeni marşrutların salınması üçün araşdırılıb. Çətin hava şəraiti – demək olar ki, hər gün leysan, boran və son üç gündə bərk qar yağmasına baxmayaraq, ümumlikdə ekspedisiya çox uğurlu alınıb.
Azərbaycan Alpinizm Federasiyası (AAF) Çauxidə kütləvi təlim-məşq toplantıları keçirməyi planlaşdırır. Relyefin zənginliyi – qayalıq ərazi, qarlı yamaclar, buzlu keçidlər, bir çox alpinist marşrutları və yeni marşrutların salınması üçün bir çox imkanlar, həmçinin yumşaq hava şəraiti – bu ərazini təlim-məşq toplantıları keçirmək üçün çox əlverişli edir.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz