Bakı/08.10.17/Turan: Müxalifətin 7 oktyabr mitinqində saxlanılan altı nəfər AXCP fəalı inzibati həbsə məruz qalıb. AXCP-də bu həbsləri siyasi motivli hesab edirlər.
AXCP-dən Turan-a bildiriblər ki, müxalifətçilər 10 sutkadan 30 sutkayadək inzibati qaydada həbs ediliblər.
AXCP Sumqayıt şəhər təşkilatının üzvü Cabbar Savalanlı 10, digər fəallar Ramid Nağıyev, Yalçın Abdullayev, Ruslan Nəsirli, Məhərrəm Rzayev 25, Füzuli Hüseynov 30 sutka həbs edilib.
Fəalların günahının konkret nədən ibarət olması hələlik məlum deyil.
Həbslər barədə qərardan şikayət veriləcək. Həbs olunanların hüquqlarını vəkil Əsabəli Mustafayev müdafiə edəcək.
Oktyabrın 7-də "Korrupsiyaya yox, siyasi məhbuslara azadlıq!" şüarı ilə keçirilən mitinqi Demokratik Qüvvələrin Milli Şurası təşkil edib.-06D--
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz