Bazar ertəsi Bakı Ağır Cinayətlər Məhkəməsində AMAY şirkətinin rəhbəri Abdulla Abdullayev və təqsirləndirilən daha 5 nəfərin növbəti məhkəmə prosesi keçirilib.
Bugünkü məhkəmə prosesində 13 şahid dindirilib. Şahidlər əsasən “Texnikabank”dan götürülən kreditlər və onların xərclənməsi məsələsindən danışıblar. Bütün şahidlər “Texnikabank”dan kreditin alınması üçün firmaların yaradıldığını və pul vəsaitlərinin firmaların hesabına, oradan isə AMAY-ın tərkibindəki “Birlikbank”ın hesabına köçürüldüyünü bildiriblər. Şahidlər onu da bildiriblər ki, 40 milyona yaxın pul vəsaiti AMAY şirkətinə məxsus “Xətai” Ticarət Mərkəzinin tamamlanma işlərinə və dam örtüyünün bağlanmasına sərf edilib.
Vəkillər hazırda təqsirləndirilən şəxslərə bu pullardan nağd şəkildə verilib-verilməməsini şahidlərdən soruşublar və bütün şahidlər belə bir halın olmadığını bəyan ediblər. Eyni zamanda şahidlər vəkillərin “Texnikabank”ın verdiyi kredit üçün monitorinq keçirməklə bağlı müraciət etməsi sualını mənfi cavablandıraraq belə müraciətin olmadığını söyləyiblər. Bununla da vəkillər istintaqın dövlət vəsaitinin mənimsənilməsi, monitorinqə imkan verilməməsi kimi ittihamlarının əsassız olmasını sübut ediblər.
Şahid Əşrəf Seyidovla prokuror arasında maraqlı dialoq yaranıb. Belə ki, prokuror firmaların yaradılması və bu yolla bankdan vəsaitlərin götürülməsi təşəbbüsünün kimə məxsus olduğunu soruşub. A.Abdullayevin köməkçisi olmuş Ə.Şeyidov bu təşəbbüsün “Texnikabank”ın o zamankı rəhbəri Etibar Əliyevə məxsus olduğunu deyib. “Dəfələrlə E.Əliyev A.Abdullayevlə görüşüb. Danışıqların şahidi olmuşam ki, E.Əliyev kreditin götürülməsi üçün firmaların yaradılması təklifini verib və bu, məlum məsələdir”,- Ə.Seyidov kreditlərin verilməsi proseduruna aydınlıq gətirib.
Ə.Seyidov əlavə edib ki, adı çəkilən kredit tam həcmdə hələ 2013-cü ildə qaytarılıb.
Bu haqda danışan A.Abdullayev pulun götürüldüyünü və qaytarıldığını deyib. AMAY rəhbəri hakimdən xahiş edib ki, ödənilən kreditə görə ədalətsiz qərar çıxarmasın. Hakim Əfqan Hacıyev isə A.Abduyllayevə yekunda ədalətli qərarın olacağını bildirib.
Bundan sonra hakim Ə.Hacıyev şahidlərin dindirilıməsinin davam edəcəyini deyərək növbəti məhkəmə prosesini mayın 19-na təyin edib.
AMAY rəhbəri A.Abdullayev 2014-cü ilin aprelində həbsə alınıb. Ona qarşı Cinayət Məcəlləsinin dələduzluq, külli miqdarda dövlət vəsaitinin mənimsəniməsi, səlahiyyətindən sui-istifadə, “çirkli” pulların yuyulması kimi ittihamlar irəli sürülüb. A. Abdullayev ittihamları rədd edərək özünü təqsili bilmir.
A.Abdullayev və təqsirləndirilən daha 5 nəfərin məhkəmə prosesi 2015-ci il yanvarın 29-da başlayıb.-05C-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz