AMAY şirkətinin rəhbəri Abdulla Abdullayevin məhkəməsi davam edir
Çərşənbə axşamı Bakı Ağır Cinayətlər Məhkəməsində AMAY şirkətinin rəhbəri Abdulla Abdullayev və təqsirləndirilən daha 5 nəfərin növbəti məhkəmə prosesi keçirilib.
Öncə iki nəfər “zərərçəkən” dindirilib, hər iki şəxs A.Abdullayevə və təqsirləndirilən digər şəxslərə hər hansı tələ və iddialarının olmadıqlarını deyiblər. Amma mənizllərinə köçə bilmələri üçün “Xudafərin” firmasının Atatürk prospekti 80/78-37-də tikdiyi hündürmərtəbli binanın tamamlanmasını istədiklərini bildiriblər.
Daha sonra prosesdə dindirilən şahidlər “Texnikabank”dan 40 milyon manata yaxın kreditin götürülməsi haqda danışıblar. Bütün şahidlər kreditlərin yaradılan 40-a qədər firma vasitəsilə götürüldüyünü nəzərə çatdırıblar. Onlar qeyd ediblər ki, bankda firmanın hesabına köçürülən maliyyə məbləğinə dair qəbz imzalayıblar və pulları nağd olaraq götürməyiblər. Eyni zamanda şahidlər maliyyə vəsaitinin Nobel prospektində AMAY şirkətinə məxsus “Xətai” Ticarət Mərkəzinin tikintisinə və tamamlanması işlərinə sərf oldunduğunu deyiblər. Maliyyə vəsaiti götürən firma rəhbərləri şahid olaraq götürülən maliyyə vəsaitlərinin təminatlı olduğunu, AMAY şirkətinə məxsus əmlakların girov qoyulduğunu vurğulayıblar.
Şahidlərdən firma rəhbəri olan Vaqif Mehdiyev elə bu borc məsələsinə görə “bandotdel”ə aparılıb. Aidiyyatı sənədlər idarəyə təqdim edildikdən sonra mayın 18-də azad edilib. “Bandotdel” korrupsiya idarəsindən ədalətlidir, “bandotel”də sənədlərə baxıblar və borc olmadığınıa görə adamı buraxıblar. Məni isə 14 aydır ki, burada günahsız həbsdə saxlayırsınız”, - A.Abdullayev həbsdə saxlanmasına etirazını bildirib.
Bugünkü dindirmədə məhkəmə prosesinə aidiyyatı olmayan, Saatlı rayonundan olan fermer Rauf Məmmədov da çıxış edib. O 2006-cı ildə fermer təsərrüfatı üçün “Birlikbank”dan 75 min manat vəsait götürüb. Amma sel daşqınları səbəbindən fermer təsərrüfatına ciddi ziyan dəyib və götürülən vəsaitin ödənilməsində problem yaranıb. Fermer bu barədə bankı məlumatlandırıb, bank əməkdaşları hadisə yerində olaraq vəziyyəti dəyərləndiriblər, ödənməyə 3 il fasilə verilib. Amma fermer hər hansı cərimə sanksiyasına və əlavə faiz ödənişinə cəlb edilməyib. Məsələyə münasibət bildirən A.Abdullayev bu şəxsin cəriməyə cəlb olunmasına imkan vermədiyini, bank əməkdaşlarına borclunun krediti hansı tərzdə ödəyə bilirsə o şəkildə də şərait yaradılması tövsiyəsi verdiyini söyləyib.
Şahidlərin dindirilməsindən sonra hakim növbəti məhkəmə prosesini mayın 21-nə təyin edib.
A.Abdullayev keçən ilin aprelində həbsə alınıb. Ona qarşı Cinayət Məcəlləsinin dələduzluq, dövlət vəsaitini külli miqdarda məniməsmə, səlahiyyətindən sui-istifadə və “çirkli” pulların yuyulması ittihamları irəli sürülüb. A.Abdullayev ittihamları rədd edir və özünü təqsirli bilmir. A.Abdullayev və təqsirləndirilən daha 5 nəfərin məhkəməsi 2015-ci il yanvarın 29-da başlayıb.-05C-
-
- İqtisadiyyat
- 19 May 2015 14:35
-
- Cəmiyyət
- 19 May 2015 16:37
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz