"AMAY" şirkətinin sahibi vaxtından əvvəl şərti azadlığa buraxılıb

Ali Məhkəmə bu gün AMAY ticarət şirkətinin rəhbəri Abdulla Abdullayevin kassasiya şikayətinə baxıb və onu vaxtından əvvəl şərti azadlığa buraxıb. Vəkil Şahin Rəfiyevin Turan-a verdiyi məlumata görə, hakim İlham Cəfərov 13 il azadlıqdan məhrumetmə cəzasının 5 il sınaq müddəti olmaqla, 10 il şərti azadlıqla əvəz olunması barədə qərar çıxarıb.

Xatırladaq ki, 2015-ci il sentyabrın 7-də Bakı Ağır Cinayətlər Məhkəməsi Abdulla Abdullayevi Azərbaycan CM-in 179.3.2 (mənimsəmə və ya israf) və 308.2-ci maddələri ilə təqsirli bilib və 13 il azadlıqdan məhrumetmə cəzasına məhkum edib. O, bank kreditlərini qaytarmaqda ittiham olunub.

Bu iş üzrə təqsirləndirilən digər şəxslər 3 il şərti cəza alıb. Prokuror Abdullayev üçün 14, digər təqsirləndirilən şəxslər üçün 9-10 il azadlıqdan məhrumetmə cəzası istəyib.

Amma məhkəmədə Abdullayevin təqsiri sübuta yetirilməyib, bundan başqa, o, vəsaitlərin qaytarıldığını sübut edən sənədlər təqdim edib. Buna görə o, irəli sürülmüş ittihamları rədd edib və həbsinin sifarişli olduğunu bildirib. -16D-

Rəy yaz

Cəmiyyət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti