Bir il əvvəl, Birinci Avropa oyunları ərəfəsində 2015-ci ilin 19 may tari-xində Bakı şəhəri Binəqədi rayonu ərazisindəki çoxmərtəbəli yaşayış binasında çoxlu sayda insan itkisinə səbəb olan yanğın baş vermişdi. Azərbaycan Respublikasının Prezidenti cənab İlham Əliyevin göstərişi ilə yaradılmış Dövlət Komissiyası müəyyən etmişdir ki, faciəyə səbəb bina fasadının keyfiyyətsiz, tezalışan üzlüyü olmuşdur. Bakı şəhərinin başqa binalarındakı belə fasad üzlüklərinin sökülməsi və onların sonradan başqa təhlükəsiz materiallarla əvəz olunması qərara alındı. Bu işlər təcili şəkildə Bakı şəhəri, Buzovna qəsəbəsi Mustafa Sübhi 2 küçəsində yerləşən bizim binada da aparılırdı.
Məlumat üçün bildiririk ki, Bakı Şəhər İcra Hakimiyyətinin Mənzil-İstismar Təsərrüfat Departamentinin 1 saylı Xüsusi Mənzil-İstismar Təsərrüfat Birliyinin Balansında olan, İnşaatçılar tərəfindən təmiri yarımçıq qoyulmuş, nəticədə Buzovna qəsəbəsi, Sübhi küçəsindəki 2 saylı çoxbloklu doqquzmərtəbəli binanın fasad üzlüyü və damı 7 dekabr 2015-ci il tarixdə uçmuşdur.
Qeyd etmək istərdik ki, binanın dövlət vəsaiti hesabına üzlənməsi ilə “Azimport” MMC şirkəti məşğul olub, lakin işləri başa çatdırmayıb.
Həmin gün müvafiq dövlət qurumları binaya baxış keçirmiş, yenidən inşaatçılar tərəfindən bərpa işləri başlanılmış, lakin təmir işləri tamamlanmadan dekabr ayının 16-sı tam dayandırılmışdır.
Bir ildən artıq aparılmış tamamlanmamış üzləmə işləri nəticəsində dəfələrlə üzlüklərin ayrı-ayrı hissələrinin, tikinti tullantılarının və binanın damından metal şifrlərin parçalarının qopub düşməsi baş vermişdir ki, bunun da nəticəsində binanın sakinləri ağır xəsarət almış, sakinlərin binanın qarşısında saxladıqları minik maşınları zədələnmiş, pəncərələrin şüşələri sınaraq, yoldan keçənlərin üzərinə düşmüşdür.
Qeyd etmək istərdik ki, bu işlərə cavabdeh olan məmurlar faktiki olaraq Dövlət Komissiyasının qərarlarına icra etmirlər, Azərbaycan Respublikası Prezidentinin göstərişlərini sabotaj edirlər ki, bu da əhalinin haqlı narazılığına səbəb olmuşdur. Bu insanlar dərk etmirlər ki, bizim bina bilavasitə hər gün Respublika Prezidentinin, onun ailəsinin və başqa dövlətlərin hökumət nümayəndələrinin kortejinın hərəkət etdiyi yolun yaxınlığında yerləşir.
Qeyd olunanları nəzərə alaraq, problemin həlli istiqamətində Sizin agentliyə müraciət etmək məcburiyyətində qaldıq.
-
- İqtisadiyyat
- 8 İyun 2016 12:06
-
- Cəmiyyət
- 8 İyun 2016 12:30
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz