![«İpək Yolu Sığorta» ASC MBNP-ni aldatdı](https://turan.az/resized/media/2016/main/060800158428-750-500-resize.webp)
«İpək Yolu Sığorta» ASC MBNP-ni aldatdı
“İpək Yolu Sığorta” ASC Məlumatların Elektron Açıqlanması Sistemində illik idarəetmə hesabatını açıqlayıb. Hesabatda qanunvericiliyə ("Emitentin idarəetmə hesabatlarına dair tələblər haqqında Qaydalar”) zidd olaraq, şirkətin təsisçiləri və onlara məxsus paylar haqqında məlumat təqdim olunmayıb.
Maraqlıdır ki, mayın 9-da bu sığorta şirkəti eyni açıqlama mənbəyində illik maliyyə hesabatını da təqdim etmişdi. Həmin hesabatda şirkətin səhmlərinin Cəmilə və Məlahət Əsgərova bacılarına (hər biniə 38,7%), 19%-nin «Silk Way Aviaşirkəti» MMC-yə və 3.6 faizinin «Azərbaycan Hava Yolları» QSC-yə məxsus olduğu bildirilmişdi. Hazırda həmin məlumat MEAS-dən çıxarılıb. Qaydalara görə, sistemə daxil edilmiş məlumat ən azı 5 il orada saxlanılmalıdır.
Qaydalarda (http://scs.gov.az/uploads/pdf/s883t00x191h5aoz37th.pdf) həm də o da göstərilir ki, hesabat əvvəlcə Maliyyə Bazarlarına Nəzarət Palatasına təqdim olunur. Palata məlumatın tamlığına nəzarət edir və yalnız onun iradı daxil olmadıqdan sonra açıqlana bilər.
“İpək Yolu Sığorta” ASC-nin illik idarəetmə hesabatında onun “Silk Way Group” MMC-yə daxil olduğu göstərilir. Belə bir hüquqi şəxs isə yoxdur.
Cəmilə və Məlahət Əsgərovalar “Azərbaycan Hava Yolları” QSC-nin prezidenti Cahangir Əsgərovun övladlarıdır. “Silk Way” aviaşirkətində payların 60 faizi “SW Holding” MMC-yə, qalan 40 faizi isə “International Handling Company Limited” (Virgin adaları, Britaniya).şirkətinə məxsusdur. 08B
-
- İqtisadiyyat
- 8 İyun 2016 12:04
-
- Söz istəyirəm
- 8 İyun 2016 12:28
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz