Azərbaycan Rusiyadan yeni MS-21-300 təyyarəsi alır

Rusiya və Azərbaycan “Azərbaycan Hava Yolları”nın maraqları çərçivəsində Rusiyanın ən yeni orta magistrallı MS-21 sərnişin laynerlərinin alışına dair razılaşma imzalayıb,  bu barədə çərşənbə günü rusiyanın “Rossiya-24” telekanalının efirində istehsalçı “İrkut” şirkətinin prezidenti Oleq Demçenko deyib.

Ria-Novosti-nin məlumatına görə, təyyarə ilk dəfə iyunun 8-də İrkutsk aviazavodunda təqdim edilib.

“Bu gün Azərbaycanla razılaşma imzalamışıq, sayı (təyyarələrin sayı – red.) deməyəcəm. Əsas odur bu - “Azərbaycan hava yollar”dır,  əlamətdardır  ki, bunu təyyarə təqdim olunan gün etmişik”, - deyə Demçenko bildirib.

MS-21-300-ün ilk üçüşü 2016-cı ilin dekabr ayından 2017-ci ilin fevral ayına qədər uçuş-sınaq stansiyasında yerüstü sınaqından sonra həyata keçiriləcək. MS-21-300  təyyarələrinin yerli nümunə sertifikatının alınması və sifarişçiyə ilk çatdırılması 2018-ci ilin sonuna planlaşdırılıb.

Rusiyanın yaxın-orta magistrallı MS-21 təyyarələri XXI əsrin texnologiyaları əsasında hazırlanır və dünya bazarının ən həcmli seqmenti üçün nəzərdə tutulub.

Yeni təyyarələrin göstəriciləri istismar xərclərini azaltmağa, sərnişinlərin rahatlığını artırmağa, ətraf mühitə təsirlər bağlı perspektiv normaların təmin edilməsinə imkan verir.

MS-21 sinifindən olan, yüksək dərəcəli unifikasiya ilə layihələndirən iki təyyarə mövcuddur: MS-21-200 132-dən 165-ə qədər sərnişinin daşınmasına, MS-21-300 isə 163-dən 211-ə qədər sərnişinin daşınmasına hesablanıb.

Hazırda 175 laynerə təstiqlənmiş sifariş, 100 təyyarəyə isə tam təsdiqlənməmiş sifariş var. “Aeroflot” 50 layner sifariş edib, təyyarələr 2018-ci ildə əldə ediləcək.