Rusiya Azərbaycan pomidorunu geri qaytarır
Azərbaycanlı fermer və sahibkarların Rusiya Federasiyasına göndərdikləri kənd təsərrüfatı məhsullarının müxtəlif səbəblərdən geri qaytarılması hallarının sayı artıb. Bu haqda Dövlət Gömrük Komitəsi məlumat yayıb.
DGK-nın mətbuat xidməti bildirib ki, sonuncu dəfə Rusiyaya göndərilən xeyli miqdarda pomidor məhsulu geri qaytarılıb, onun bir hissəsi tamamilə yararsız hala düşüb. Buna səbəb kimi malların sənədlərində mənşə ölkəsinin düzgün qeyd olunmadığı göstərilir.
Açıqlamada deyilir ki, Azərbaycandan RF-yə göndərilən kənd təsərrüfatı məhsulları və digər mallar qanunvericilikdə nəzərdə tutulan bütün müvafiq sənədlərlə təmin olunduqdan sonra ixracına icazə verilir. Buna görə də geri qaytarılan pomidor məhsullarının mənşə sertifikatının düzgün olmaması, yəni dolayısı ilə məhsulun Azərbaycanda istehsal edilməməsi barədə irəli sürülən arqumentlər əsla həqiqətə uyğun deyil.
O da qeyd olunur ki, Azərbaycandan göndərilən kənd təsərrüfatı məhsullarında müvafiq analizlərin aparılması Dağıstan Respublikası ərazisində mümkün olmadığından məhsullardan götürülən nümunələr paytaxt Moskvaya göndərilir. Nəticədə analizin tamamlanması üçün bəzən 10 gündən də artıq vaxt tələb olunur. Bu vaxt ərzində isə sərhəddə gözləyən həmin kənd təsərrüfatı məhsulları əksər hallarda zay olur..
DGK bildirir ki, həm 2015-ci ildə, həm də Rusiyanın Türkiyəyə qarşı sanksiyalar tətbiq etməyə başladığı 2016-cı ildə Azərbaycandan bu ölkəyə pomidor məhsulunun əsas ixracatçılarının eyni şəxslərdir.
Problemin aradan qaldırılması üçün DGK Rusiyanın dövlət orqanlarına müraciət edib.
Bu ilin birinci rübündə Azərbaycandan Rusiyaya 10 544 ton pomidor ixrac edilib. Bu, əvvəlki ilin eyni dövründəkindən 7 dəf çoxdur.
Rusiyanın kənd təsərrüfatı nəzarətinin mütəxəsisləri Azərbaycandan bu ölkəyə pomidor ixracının artması səbəblərindən şübhələrə son qoymaq üçün bu il iki dəfə Bakıda olublar.
-
- İqtisadiyyat
- 8 İyun 2016 11:48
-
- İqtisadiyyat
- 8 İyun 2016 12:04
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz