Amerika səfirliyi «Karyera günü və iş yarmarkası» təşkil edib
Dekabrın 3-də Bakı Amerika Mərkəzində ABŞ Təhsilli Azərbaycan Məzunlar İctimai Birliyi, Amerika Mərkəzi və ABŞ-ın Azərbaycandakı səfirliyinin dəstəyi ilə “Karyera günü və iş yarmarkası” təşkil edilib.
Yarmarkada 22 şirkət iş yerləri təşkil edib. Onların arasında Azərcell, P&G, Coca-Cola, Deloitte, “ASAN” Xidmət, “Azərsun”, ADA Universiteti, Youth Inc. Incubator, Hilton, Marriot, İslamic Games, Təhsil Nazirliyi, FMSC, SOCAR, Engin kimi müəssisələr var.
Yarmarkaya yüzlərlə insan müraciət edib.
Yarmarkaya paralel olaraq müxtləlif ABŞ dövlət proqramları məzunları tərəfindən uğurlu karyera qurmaq, şəbəkələşmə və müsahibə bacarığı, şəxsi brendin yaradılması və idarə edilməsi mövzularında karyera inkişaf sessiyaları təşkil olunub.
Açılış mərasimində çıxış edən ABŞ-ın Azərbaycandakı səfirinin müavini Vilyam Gill bildirib ki, ABŞ-da təhsil almış məzunlar özlərini dünyanın hər yerində təsdiq edirlər. “ABŞ məzunları özlərini açıq fikirlikləri, böyük ideyaları və yaradıcılıqları ilə Azərbaycanda da təsdiq ediblər”, - o vurğulayıb.
Onun sözlərinə görə, tədbirə özəl sektorda, dövlət qurumlarında və biznes sahəsində çalışan ABŞ universitetlərinin məzunları cəlb olunub.
“Onlar iştirakçılarla təcrübə, bilik və bacarıqalrını bölüşəcək”, - səfir müavini bildirib.-03C-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz