Карабахские сепаратисты вручают медали сотрудникам МЧС РФ
AMİP Rusiya sülhməramlılarının Qarabağda pozuculuq hərəkətlərinə son qoymağa çağırıb
Bakı/28.12.20/Turan: Rusiyanın üzərinə götürdüyü missiyanı aşan hərəkətlərinə son qoyulmalıdır. Bu barədə Azərbaycan Milli İstiqlal Partiyasının bəyanatında deyilir.
Partiyanın bəyanatında bildirilir ki, dünən Xocalı şəhərində Qarabağdakı separatçı rejimin “Fövqaladə Hallar Nazirliyi” rəhbərinin birinci müavini Samvel Petrosyanın Rusiya Fövqaladə Hallar Nazirliyinin bir qrup səlahiyyətlisinə medallar təqdim etməsi ilə bağlı mərasim keçirilib. "10 noyabr tarixində imzalanmış üçtərəfli bəyanatla sülhməramlı missiyanı üzərinə götürən Rusiya hərbi birləşmələrinin Qarabağın dağlıq hissəsində yerləşməsi təbii olaraq Azərbaycan ictimaiyyəti tərəfindən heç də birmənalı qarşılanmamışdı. Baş verən yeni hallar isə etimad limiti onsuz da böyük olmayan Rusiya sülhməramlılarına olan inamı tamamilə heçə endirir".
Partiya qeyd edib ki, Rusiyanın ilk olaraq xəritə qalmaqalıyla ortaya çıxan münasibəti, daha sonra sülhməramlı orduya rəhbərlik edən şəxsin separatçı rejimin terrorçu başçısıyla isti münasibəti, Azərbaycanın azad etdiyi hərbi əsirlərin Rusiya tərəfindən araik arutunyana təhvil verilməsi və indi də minlərlə insanımıza qarşı terror aktı, qətliam törədilmiş Xocalı şəhərində Rusiya Fövqaladə Hallar Nazirliyi əməkdaşlarının separatçılardan medal alması hədsiz hiddət doğurur. "Rusiyanın münaqişənin həllindəki fəaliyyət istiqamətləri noyabrda imzalanmış üçtərəfli bəyanatla təsbit olunub. Bəyanata əsasən də nə İrəvandan Xankəndinə erməni daşımaq, nə Xankəndi və Xocalıda ermənilər üçün evlər tikmək sülhməramlının vəzifəsi deyil. Yerləşdiyi ərazilərdə özünü ev sahibi kimi aparmaq yolverilməzdir. Bütün tərəflər birdəfəlik olaraq anlamalıdırlar ki, bu torpaqların sahibi Azərbaycandır".
Azərbaycan Milli İstiqlal Partiyası baş verənlərdən çıxış edərək hesab edir ki, vəzifəsi terorçuları bölgədən çıxarmaq olan Rusiyanın hazırda müşahidə olunan fəaliyyəti əslində separatçı rejimi qanuniləşdirmək cəhdindən başqa bir şey deyil. "Rusiya ya sülhməramlı missiyanın həyata keçirilməsində və regiondakı fəaliyyətində Azərbaycanın maraqlarını nəzərə almalı ya da Azərbaycan ərazilərini tərk etməlidir!"
AMİP olaraq Azərbaycan hakimiyyətindən tələb edib ki, Rusiya tərəfinin üzərinə götürdüyü missiyanı aşan hərəkətlərinə qarşı adekvat addımlar atılsın. Baş verən hadisə ilə bağlı Rusiyaya nota verilsin və rəsmi izahat tələb olunsun.-0-
Cəmiyyət
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
-
Sentyabrın 27-də paytaxtda hava dəyişkən olacaq. Gecə bəzi yerlərdə yağış yağa bilər. Şimal-şərq küləyi əsəcək.
-
Azərbaycanla Ermənistan delimitasiya və sərhəd təhlükəsizliyi məsələləri üzrə komissiyaların birgə fəaliyyəti haqqında Əsasnaməni avqust ayında razılaşdırıb. Sentyabrın 24-də isə Ermənistan Konstitusiya Məhkəməsi sənədin onların Konstitusiyasına uyğun olub-olmadığını müzakirə edəcəyini açıqlayıb.
-
Qarabağda təhsil alan tələbələrə “SuperSən 10GB” tarif paketindən 6 ay ərzində pulsuz istifadə etmək imkanı verilir Qarabağda ilk mobil infrastrukturu quraşdıran “Azercell Telekom” MMC bu ərazilərə qayıdan əhalini qabaqcıl kommunikasiya xidmətlərilə təmin etməyə davam edir. Lider mobil operator Qarabağda təhsil alan tələbələrə dəstək olmaq məqsədilə xüsusi kampaniya elan edir.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Xəbər lenti
-
- Siyasət,
- 10:29
- 288
Rəy yaz