ANAMA atəşkəs rejiminin bərpasından sonra cəbhəyanı zonada 51 ədəd partlamamış hərbi sursat aşkar edib
Azərbaycan Ərazilərinin Minalardan Təmizlənməsi Agentliyi (ANAMA) aprelin əvvəlində Qarabağda gedən intensiv döyüşlər zamanı partlamamış hərbi sursatların aşkar edilməsi üzrə xüsusi əməliyyatlara başlayıb.
İşlərə aprelin 7-də - atəşkəs rejiminin bərpasından iki gün sonra başlanılıb.
Aprelin 7-15-də 51 ədəd partlamamış hərbi sursat (PHS) aşkar edilərək zərərsizləşdirilib.
Aprelin 15-də Tərtər, Goranboy, Füzuli rayonlarında 10 evə, 32 partlayış yeri və 1 əkin sahəsinə baxış keçirilib, 30 partlamış və 2 partlamamış sursat aşkar edilərək götürülüb.
Şirarx kəndində əkin sahəsində 152 mm. kalibrli artilleriya mərmisi aşkar edilərək götürülüb.
Goranboy rayonunun Tapqaraqoyunlu kəndində 6 evə və 6 partlayış yerinə baxış keçirilib. 5 ədəd partlamamış hərbi sursat və 100 mm. kalibrli artilleriya mərmisi aşkar edilib.
7-15 apreldə Tərtər, Ağcabədi, Ağdam, Füzuli və Goranboy rayonlarında 247 ev, 5 ferma və 1 əkin sahəsinə baxış keçirilib. 51 ədəd partlamamış hərbi sursat aşkar olunaraq zərərsizləşdirilib.-0-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz