Müsavat Partiyası başqanının müavini Tofiq Yaqublu Baş Prokurorluğa dəvət edilib. Bu barədə məlumatı T.Yaqublu “Azadlıq” radiosuna bildirib.
T.Yaqublu bildirib ki, 2013-cü ildə ona qarşı cinayət işini aparan müstəntiq Nadir Mirzəyev səhər saatlarında zəng vuraraq baş prokurorun müavini Rüstəm Usubovun görüş istəyini çatdırıb.
“Mən indi Neftçalada şəhid məclisindəyəm. Ona görə saat ancaq 17:00-da Bakıya gələ biləcəyimi dedim”. Bu danışıqdan sonra görüşün saat 17.00-a təyin olunması razılaşdırılıb.
T.Yaqublu Baş Prokurorluğa vəkilsiz gedəcəyini deyib. Bununla belə, Müsavat başqanının müavini Baş Prokurorluğa hansı işlə əlaqədar dəvət edildiyini bilmədiyini deyib. “Niyə çağırılmağım barədə hər hansı ehtimalım belə yoxdur”, - T.Yaqublu qeyd edib.
Xatırladaq ki, T.Yaqublu 2013-cü ilin yanvarında İsmayıllıda baş vermiş qarşıdurma hadisələrilə bağlı həbs edilib. O zaman ona qarşı iqtişaşları təşkil etmə və qanunsuz aksiyalarda iştirak ittihamları irəli sürülmüşdü. Barəsində həbs qətimkan tədbiri seçilmişdi. Daha sonra Bakı Ağır Cinayətlər Məhkəməsindəki proses 5 il azadlıqdan məhrumetmə ilə nəticələnmişdi. 2016-cı il martın 17-də verilmiş əfv fərmanı ilə azadlığa çıxıb.-05B-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz