Anar Məmmədlinin apellyasiya şikayətinə baxılması təxirə salınıb

Bakı Apellyasiya Məhkəməsi (BAM) Əflatun Qasımovun sədrliyi ilə Seçkilərin Monitorinqi və Demokratiyanın Tədrisi Mərkəzinin direktoru Anar Məmmədlinin və digər iki fəalın – Bəşir Süleymanlı və Elnur Məmmədovun apellyasiya şikayəyinə baxılması sentyabrın 5-nə təyin edilmişdi.

Lakin iclasın əvvəlində vəkil Elçin Sadıqov bildirib ki, müdafiə tərəfi BAM-ın hazırlıq iclasının qərarından Ali Məhkəməyə kassasiya şikayəti verir.

Bunun səbəbi hakimlərin müdafiə tərəfin apellyasiyaya qismi məhkəmə istintaqı ilə baxılması haqqında vəsatətini təmin etməkdən imtina etməsi olub.

Kassasiya verilməsi ilə əlaqədar, apellyasiyaya baxılması qeyri-müəyyən müddət üçün təxirə salınıb.

* Anar Məmmədli 5,5 il müddətinə azadlıqdan məhrum edilib, bu QHT-nin icraçı katibi Bəşir Süleymanlı və Könüllülərin Beynəlxalq Əməkdaşlığı İctimai Birliyinin sədri Elnur Məmmədovu 3,5 il müddətinə şərti cəza alıb.

Onlar vergi ödənişindən yayınmaqda, qanunsuz sahibkarlıqda, mənimsəmədə və s. təqsirli bilinib.

Anar Məmmədli Amnesty İnternational tərəfindən “vicdan məhbusu” kimi tanınıb və Vatslav Havel adına mükafat nominantlarının qısa siyahısına daxil edilib. -06С06-