Lisenziyası ləğv edilmiş ANS telekanalının rəhbərliyinə qarşı cinayət işinin başlanması barədə bəzi KİV-də yayılan məlumatlar həqiqətəuyğun deyil. Bu barədə bu gün Baş Prokurorluğun mətbuat xidmətinin rəhbəri Eldar Sultanov bildirib. Eyni zamanda o deyib ki, ANS şirkətinin vəzifəli şəxsləri tərəfindən terrorçuluğun təbliğinə yönələn çağırışlar və digər faktlarla bağlı Baş Prokurorluqda toplanmış materiallar Ağır Cinayətlər üzrə İstintaq İdarəsində istintaq edilən cinayət işinə əlavə edilib.
E.Sultanovun sözlərinə görə, Türkiyədə dövlət çevrilişinə cəhddə ittiham olunan Fətullah Gülənin rəhbərliyi ilə Azərbaycanın təhsil müəssisələrində və digər müxtəlif qurumlarda uzun müddət fəaliyyət göstərən “Hizmət hərəkatı”nın təəssübkeşləri tərəfindən dini ayinlərin icrası adı altında vətəndaşların hüquqlarına qəsd, sosial və dini nifrət, düşmənçiliyin salınmasına yönələn hərəkətlərə yol verilib. Hazırda həmin iş üzrə istintaq-əməliyyat tədbirləri davam etdirilir.
Bu günədək geniş ictimaiyyətə bu iş üzrə həbs edilən iki nəfər məlumdur – AXCP fəalı Fuad Əhmədli və bu təşkilat rəhbərinin köməkçisi, “Azadlıq” qəzetinin maliyyə direktoru Faiq Əmirov. -03D-
Cəmiyyət
-
Antisemitizm yəhudi tarixinin əsas hissəsi olub və bütün Avropada qaçqın dalğalarına səbəb olub. Orta əsrlərdə minlərlə yəhudi Fransa, İspaniya, Portuqaliya və Avropanın digər ölkələrində repressiya və qırğınlardan canlarını qurtararaq Osmanlı İmperiyasında sığınacaq tapıblar.
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
Rəy yaz