Ötən axşam ANS telekanalının rəhbəri Vahid Mustafayev və onun müavini Mirşahin Ağayev Baş Prokurorluğun Ağır Cinayətlər İdarəsinə çağırılıb və ifadə veriblər.
Məlumatlı mənbələrdənTuran-a bəlli olub ki, onlar Fətullah Gülənin ABŞ-da keçirdiyi mətbuat konfransı barədə reportaj hazırlamaq ideyası ilə bağlı açıqlama veriblər.
Bundan öncə Milli Teleradio Şurası bu reportajın anons edilməsini terrorizmin təbliği kimi qiymətləndirib və prokurorluğun təqdimatı əsasında ANS-in yayımının dayandırılması barədə qərar çıxarıb.
Xatırladaq ki, Türkiyə hakimiyyəti iyulun 16-da dövlət çevrilişinə cəhdin təşkilində Güləni ittiham edib, rəsmi Bakı isə Ankaranı dəstəkləyib. Bu fonda Fətullah Gülənə efir vermək ideyası Azərbaycan hakimiyyəti tərəfindən İlham Əliyevlə Ərdoğanın “arasını vurmaq” kimi qiymətləndirilib.
Qeyd edək ki, ANS rəhbərliyi öz ənənəsinə sadiq qalaraq baş verənləri şərh etmir. Həmçinin telekanal dəstək üçün beynəlxalq və yerli ictimaliyyətə müraciət etmir. -0302В-
2016 İyul 18 (Bazar ertəsi) 21:14:51
Milli Teleradio Şurasının qərarı ilə iyulun 18-də axşam ANS telekanalının yayımı dayandırılıb.
MTRŞ bildirir ki, ANS “Azərbaycan və Türkiyə xalqları arasında qardaşlıq və strateji tərəfdaşlıq münasibətlərinin ruhuna zidd mövqe tutub, Türkiyə dövlətinin və hakimiyyətinin əleyhinə təbliğat aparıb, bu ölkədə terrorçu təşkilat kimi tanınan, çoxsaylı insan ölümünə səbəb olmuş qanlı hadisələri təşkil edən Fətullah Gülənə və onun tərəfdarlarına dəstək verib".
MTRŞ ANS-i “terrorçuluğu təbliğ etməkdə”, eləcə də Türkiyədə “vətəndaş qarşıdurmasının dərinləşməsinə gətirib çıxaracaq addımlar atmaqda” ittiham edib.
Türkiyə hakimiyyət orqanlarının və bu ölkənin səfirliyinin müraciətini nəzərə alaraq MTRŞ bu şirkətin yayımının dayandırılması barədə qərar qəbul edib.
Bundan başqa, «ANS telekanalının qanunazidd fəaliyyəti ilə bağlı məhkəməyə müvafiq müraciət olunacaq və son qərar məhkəmə tərəfindən veriləcək”, - deyə MTRŞ bildirir.
Qeyri-rəsmi məlumata görə, telekanalın bağlanmasına səbəb Ərdoğanın düşməni Fətullah Gülənin müsahibəsinin yayım üçün hazırlanmasıdır.
Jurnalistlər arasında ANS kanalının müxbiri də olub.
Məlumdur ki, Türkiyə hakimiyyəti Güləni bu ölkədəki hərbi çevriliş cəhdinin təşkilatçısı hesab edir. Ona görə müsahibənin Azərbaycan TV-si ilə göstərilməsi hərbi çevrilişə dəstək kimi qəbul edilə bilərdi.
ANS-dəki mənbələrdən Turan-a məlum olub ki, bazar ertəsi axşamı rabitə və yayım üzrə cavabdeh olan bir neçə dövlət təşkilatının nümayəndələri tökülüşərək gəlib. Onlar heç bir səbəb göstərmədən avadanlıqları söndürüb. -02В-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz