Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə bu günlərdə İtaliyalı jurnalistləri qəbul edib.
Qonaqlar İtaliyanın “ANSA” informasiya agentliyinin müxbiri Kristina Missorini və Vatikanın “L Osservatore Romano” qəzetini müxbiri Rosella Fabiana olub.
A.Paşazadə jurnalistlərin Azərbaycan səfərini müsbət dəyərləndirib. QMİ sədri Azərbaycan həqiqətlərinin dünyaya çatdırılması üçün belə görüşlərin zəruri olmasına diqqət çəkib.
QMİ sədri 1990-cı ilin 20 yanvar hadisələrindən sonra İtaliyanın “Respublika” qəzetinə verdiyi müsahibəni xatırladıb və Azərbaycana qarşı informasiya blokadasının yarılmasında müsahibəsinin böyük rolu olduğunu vurğulayıb. A.Paşazadə jurnalistlərdən həmin vaxtlar ondan müsahibə almış jurnalist Etsio Mauroya salamlarını çatdırmağı xahiş edib.
QMİ sədri jurnalistlərə Azərbaycanda din-dövlət münasibətləri, bu sahədəki fəaliyyət, tolerantlıq mühiti barədə ətraflı məlumat verib. A.Paşazadə Azərbaycanın mövqeyinin dünya ictimaiyyətinə çatdırılmasının vacibliyini vurğulayıb. Sonda QMİ sədri italiyalı jurnalistlərin suallarını cavablandırıb.-05D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz