Bu gün Bu gün Bakı Apellyasiya Məhkəməsində Mirpaşa Hüseynovun sədrliyi ilə araşdırmaçı-jurnalist Xədicə İsmayılovanın həbs müdətinin uzadılması ilə bağlı şikayətinə baxılıb.
Vəkil Yalçın İmanovun Turan-a verdiyi məlumata görə, məhkəmə şikayəti təmin etməyib.
Onun sözlərinə görə, müdafiə tərəfi İsmayılovaya qarşı özünü öldürmə həddinə çatdırma haqqında şikayət vermiş Tural Mustafayevin də məhkəməyə gətirilməsi barədə vəsatət qaldırıb.
Öz növbəsində, İsmayılova yenidən bildirib ki, həbsə səbəb onun Azərbaycan prezidentinin ailə üzvlərinin biznesi ilə bağlı jurnalist araşdırmaları olub.
Vəkil deyib ki, Apellyasiya Məhkəməsinin qərarından sonra Avropa İnsan Hüquqları Məhkəməsinə şikayət göndəriləcək.
* Xədicə İsmayılova CM-in 125-ci (özünü öldürmə həddinə çatdırma) maddəsi ilə ittiham olunur. O, guya özünü öldürmə həddinə çatdırdığı Tural Mustafayevin bəyanatı əsasında həbs edilib. Xədicə İsmayılova ittihamları rədd edərək, bunu peşə fəaliyyəti ilə əlaqələndirir. Yanvarın 27-də Səbail rayon məhkəməsi onun həbs müddətini 1 ay 19 gün uzadıb. Amnesty İnternational təşkilatı İsmayılovanı “vicdan məhbusu” kimi tanıyıb. -16D-
Cəmiyyət
-
“Müdafiəçi” Hüquq Mərkəzi Azərbaycanın quru sərhədlərinin açılması tələbi ilə ictimai kampaniyaya başlayır. Belə ki, Nazirlər Kabinetinin quru sərhədlərinin qapalı saxlanılması ilə bağlı qərarından Azərbaycan Konstitusiya Məhkəməsinə kütləvi şəkildə fərdi şikayətlərin verilməsi təklif edilir.
-
Prezident İlham Əliyev dekabrın 29-da ondan dörd gün əvvəl Bakıdan Qroznıya uçan AZAL təyyarəsinin Qazaxıstanın Aktau şəhəri yaxınlığında qəzaya uğraması ilə bağlı Dövlət Televiziyasına (AZ TV) müsahibə verdi. Prezident dedi ki, Azərbaycan tərəfi öz tələblərini açıq şəkildə Rusiya tərəfinə bildirib: "Dekabrın 27-də artıq bu tələblər rəsmi qaydada onlara çatdırıldı. Bu, nədən ibarətdir?
-
Azər Qasımlı 20 gündür İstintaq Təcridxanasında saxlanılır, lakin onunla heç bir istintaq hərəkəti aparılmayıb. Heç kim onunla görüşməyib. Yalnız saxlanıldığı ilk gün Yasamal Rayon Polis İdarəsində və məhkəmə günü Azər Qasımlı ilə ittihamçı arasında üzləşmə keçirilib. İttihamçı başına papaq geyinərək gözlərini gizlədib və Azərdən üz döndərib, - deyə Turan-a Azərin həyat yoldaşı Samirə Qasımlı bildirib.
-
Dekabrın 29-da hava yağışlı olacaq, lakin bayram günlərində (31 dekabr-3 yanvar) Bakıda hava mülayim olacaq.
Rəy yaz