Həbsdə olan bloger Əbdül Əbilovun anası Nurcahan Əbilova “Amerikanın Səsi”nə müsahibəsində oğlunun səhətində yaranmış problem, ailəsinin sosial durumunun ağırlığı və dövlət rəsmilərinə müraciətinə cavab ala bilməməsindən danışıb.
Əbdül Əbilov 22 noyabr 2013-cü ildə Yasamal rayonunda öz evinin yaxınlığında Daxili İçlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb. Hüquq mühafizə orqanları saxlanılarkən onun cibindən içərisində 2,679 qr heroin olan sellofan paket, kirayədə yaşadığı evdən isə 4,677 qr heroin tapıldığını bildirir.
2014-cü il mayın 27-də Bakı Ağır Cinayətlər Məhkəməsinin hökmü ilə 31 yaşlı facebook fəalı Əbilov 5 il 6 ay azadlıqdan məhrum edilib. O, Cinayət Məcəlləsinin 234.4.3-cü (böyük ölçüdə narkotik vasitələrin qanunsuz saxlanılması və ya satışı) maddəsi ilə təqsirli bilinir.
Məhkəmədə o bildirib ki, siyasi motivlərlə və facebookda fəallığına görə həbs edilib.
Hüquq müdafiəçiləri Əbilovu siyasi məhbus hesab edir.
Nurcahan Əbilova yaxınlada cəzaçəkmə müəssiəsində oğlu ilə görüşüb. “Onun sağlamlıq durumu heç xoşuma gəlmədi. Övladım xəstədir. O, bu həftənin dördüncü günü zəng etmişdi. Yenə də soruşdum, dedi ki, xəstəliyi əsəblə, stressle bağlıdır. Mən ona görə çox narahatam”, deyə o qeyd edib.
Nurcahan Əbilova ailəsinin maddi durumunun ağır olduğunu deyib. “Mən xəstəyəm. Neçə illərdir xəstəyəm, əsa ilə gəzirəm. Hara iş üçün müraciət edirəm, müsbət cavab ala bilmirəm. Hökumət də yardım etmir. Az-çox qohum-əqraba kömək edir. Allah köməkləri olsun”.
Ana prezidentdən oğlunun həbsdən azad edilməsinə kömək etməsini xahiş edir. “Prezidentimdən xahiş edirəm ki, buraxsın mənim övladımı. Haqsız tutulub oğlum. İkincisi də prezidentimiz çıxış edəndə deyir ki, hər kəsin ixtiyarı var, hüququ var öz sözübnü deməyə, danışmağa. İndi mənim uşağım da sözünü deyib. Bunun üçün adamı tutmazlar axı. Bu boyda haqsızlıq olmaz axı. Mən anayam, məni kim saxlasın. Düşüm yolçuluq edim”.
O, müxtəlif instansiyalara müraciət etməkdən bezdiyini bildirib. “İki dəfə Mehriban xanımın qəbuluna getmişəm, qəbul olunmuşam. Mənə cavab vermirlər. İlham Əliyevin qəbuluna getmişəm buraxmayıblar. Amma ki, əfv ərizəsini vermişəm. Oradan da səs-soraq yoxdur. Demək olar ki, Azərbaycanda müraciət etmədiyim idarə qalmayıb. Məni heç kimin həndəvərinə buraxmırlar. Bilmirəm sözümü kimə deyim”, deyə o qeyd edib. -0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz