Apellyasiya Məhkəməsi facebook fəalını həbsdə saxladı

Bu gün Bakı Apellyasiya Məhkəməsi polisə tabe olmamaq ittihamı ilə 25 gün müddətinə həbs edilmiş facebook fəalı Xalid Xanlarovun şikayətini təmin etməyib. Bu zaman məhkəmə müdafiə tərəfin vəsatətlərindən heç birini təmin etməyib, bu barədə Turan-a vəkil Şəhla Hümbətova bildirib.

Məhbus şikayətində Binəqədi rayon məhkəməsinin qərarının ləğv edilməsini xahiş edib. Prosesdə vəkil Xanlarovu saxlayan post-patrul polis xidmətinin əməkdaşlarının məhkəməyə çağırılması haqqında vəsatət qaldırıb.

Hümbətova həmçinin yanvarın 23-də saat 11:45-dən sonra DİN-in giriş-çıxışındakı videomüşahidə kameralarının görüntülərinə baxılması haqqında vəsatət qaldırıb. Məsələ ondadır ki, Xanlarov yanvarın 23-də həmin saatlarda DİN-də olub. O, məhz DİN-dən çıxdıqdan sonra saxlanılıb, Binəqədi rayon polis idarəsinə, oradan isə məhkəməyə aparılıb və məhkəmə fəalı həbs edib.

Qeyri-rəsmi məlumatlara görə, DİN-də ondan tənqidi nəşrlərə son qoymağı tələb ediblər, amma o, imtina edib.

Bu zaman konkret nəşrlərin adı çəkilmədən, gəncə bildiriblər ki, o, yazıları ilə üzərinə çox şey götürür.

Xanlarov “Qafqaz” universitetinin tələbəsidir. Həmkarlarının sözlərinə görə, əvvəllər o, facebook-da “Dittili” satirik qrupunun administratoru olub. -05B-