Sənədləşdirilməsi mümkün olmayan daşınmaz əmlakın qeydiyyatı probleminin həlli ilə bağlı tövsiyələr hazırlanıb

“Şəffaflıq Azərbaycan” korrupsiya ilə mübarizə ictimai təşkilatı bu gün Bakıda dövlət və ictimai təşkilatların iştirakı ilə sənədləşdirilməsi mümkün olmayan daşımaz əmlakın qeytiyyadı mövzusunda “dəyirmi masa” keçirib. Müxtəlif qiymətləndirmələrə görə, ölkədə mülkiyyət hüquqi olmayan 500 000-dən 600 000-ə qədər yaşayış və qeyri-yaşayış sahələri, həmçinin 600 çoxmənzilli bina var.

Görülən tədbirlərə baxmayaraq, razılaşdırılmayan tikililərin problemi öz aktuallığını itirmir, - deyə “Şəffaflıq Azərbaycan”ın icraçı direktoru Rəna Səfərəliyeva bildirib.

2014-2015-ci illərdə istifadəçilərin mənzilə mülkiyyət hüququnu sənədləşdirmək üçün tələb olunan sənədlərin siyahısı təsdiqlənib. Yalnız 2015-ci ildə 30 mindən artıq mülkiyyətçi bu imkandan istifadə edib.

Dövlət Əmlak Məsələləri Komitəsinin yanında Daşınmaz Əmlakın Dövlət Qeydiyyatı Xidməti sədrinin müavini (DƏDQX) Elşad Məmmədov qeyd edib ki, özbaşına tikililərin problemini yalnlz inzibati qaydada həll etmək mümkün deyil, çünki belə tikililərin kütləvi leqallaşdırılması tikinti sahəsində qanunvericiliyin pozulmasının yeni dalğasına gətirib çıxara bilər. Ona görə də hökumət bunu mərhələlərlə həll edir.

Ancaq bu problemi əhalinin yaşayış şəraitini yaxşılaşdırmaq imkanlarını genişləndirməklə, torpaq sahələrinin alınmasının sadələşdirilməsi, həmçinin inzibati və digər cəza tədbirlərinin sərtləşdirilməsi ilə həll etmək olar, deyə qeyd edib.

«Dünya Bankının köməyi, beynəlxalq məsləhətçilərin iştirakı ilə qanunsuz tikililərə icazə verilməsi üzrə tövsiyə sənədi hazırlanıb», deyə Məmmədov bildirib.

2011-ci ilin martında prezident İlham Əliyev ƏMDK və Bakı ŞİH-ə qanunsuz tikililər probleiminin həlli üzrə təkliflər hazırlamağı tapşırıb. Amma bu istiqamətdə ciddi addımlar atılmayıb, deyə «Şəffaflıq Azərbaycan»ın eksperti Hafiz Həsənov bildirib. O, sənədləşməsi mümkün olmayan daşınmaz əmlak probleminin həlli ilə bağlı vəziyyətin təhlili əsasında hazırlanan  tövsiyələri səsləndirib. O cümlədən, qanunvericiliyə şəxsi ərazidə tikilən fərdi evə dövlət tərədfindən mülkiyyə hüququ verilməsinə imkan yaradan dəyişiklik təklif edilir. 08C