Yanvarın 29-da Xəzər dənizinin Türkmənistan sektorunda aşkar edilmiş cəsədin DNT analizinin nəticələri məlum olub. Bu haqda xəbəri Dövlət Neft şirkəti yayıb.
Aparılan ekspertizaların rəyinə əsasən, cəsədin “Neftqaztikinti” Trestində çalışmış Xoşbəxt Xanış oğlu Səmədov olduğu müəyyən edilib.
Dekabrın 4-də təbii fəlakət nəticəsində Neft Daşlarındakı 501 və ''Günəşli'' yatağındakı 10 saylı dəniz özüllərində baş vermiş qəzalar nəticəsində itkin düşmüş neftçilərin axtarışı davam edir.
Xatırladaq ki, yanvarın 29-da Xəzərin Türkmənistan sektorunda tapılan cəsədin “Günəşli” yatağındakı 10 saylı platformadan itkin düşümüş Sahib Şahmarov olduğu iddia edilirdi. S.Şahmarovun ailəsi hətta cəsədə baxış da keçirmişdi. Amma S.Sahmarovun qardaşı Seymur Şahmarov meyitin qardaşına oxşamadığı haqda açıqlama vermişdi. O zaman Şahmarovlar ailəsinə cəsədin kimliyini müəyyən etmək üçün S.Şahmarovun oğlundan DNT analizi götürüləciyi və nəticəsinin 20 günə bəlli olacağı deyilmişdi.
Xatırladaq ki, 2015-ci il dekabrın 4-də “Neft Daşları”nda vaqon-otaqda olan 3 fəhlə qasırğa nəticəsində dənizə düşüb. Axşamüstü isə “Günəşli yatağındakı 10 saylı platformada yanğın baş verib. Bu yanğın nəticəsində 34 nəfəri xilas etmək mümkün olub, 11 meyit aşkarlanıb, 19 nəfər itkin düşmüş sayılır. -0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz