Bu gün Bakı Apellyasiya Məhkəməsi Xalq Cəbhəsi Partiyasının fəalı Fuad Əhmədlinin və "Azadlıq" qəzetinin maliyyə direktoru Faiq Əmirovun həbsinin martın 12-nə qədər uzadılmasından verilmiş şikayəti təmin etməyib.
Vəkil Aqil Layıcov Turan-ın müxbiri ilə söhbətində həbsin uzadılmasını əsassız adlandırıb. Onun sözlərinə görə, prokurorluq heç bir istintaq hərəkəti aparmır. "Hamıya, o cümlədən istintaqa məlumdur ki, Faiq Əmirovun Fətullah Gülənlə heç bir əlaqəsi yoxdur", deyə vəkil qeyd edib.
Onun sözlərinə görə, Avropa İnsan Hüquqları Məhkəməsi artıq Əmirovun həbsindən verilmiş şikayətlə bağlı kommunikasiyaya başlayıb. Hökumətə AİHM-in qoyduğu sualları cavablandırmaq üçün aprelin 4-nə qədər vaxt verilib.
Bununla yanaşı, müdafiə tərəfi yenidən Əmirovun pul girovu müqabilində istintaq müddətinə azad edilməsi haqqında vəsatət verəcək.
Fuad Əhmədlinin vəkili Əsabəli Mustafayev də müvəkkilinin həbsdə saxlanmasının əsassız olduğunu bildirib. Hər iki vəkil müvəkkillərinin səhhətində problemlər olduğunu və onların istintaq təcridxanasında onların müalicəsi üçün şərait olmadığını qeyd ediblər.
Xatırladaq ki, Əhmədli və Əmirov 2016-cı ilin avqustunda Türkiyəli ilahiyyatçı Fətullah Gülənlə əlaqələrdə ittiham olunaraq həbs olunublar. Bu zaman Əhmədliyə qarşı işlədiyi "Azərfon" mobil rabitə şirkətinin abunəçilərinin şəxsi məlumatlarını yaymaq ittihamı irəli sürülüb.
Sonradan onun işi Azərbaycanda Gülənin təmsilçisi kimi dini ayrı-seçkilik salmaq haqqında absurd ittihamla həbs olunmuş Əmirovun işi ilə bir icraatda birləşdirilib. -16В06-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz