2016-cı ildə “Kapital Bank”ın aktivləri 1 mlrd manat artaraq 3 mlrd 96,7 mln manata çatıb, deyə bankın auditdən keçirilməmiş maliyyə hesabatında bildirilir.
İl əzrində müştərilərə verilən kreditlər 14,8% artaraq 2017-ci il yanvarın 1-i üçün 1 mlrd 167 mln manat olub. “Kapital Bank”ın aktivlərinin (1 mlrd 467,1 mln manat) yarısı AMB və başqa banklarda yerləşdirilib. Eyni zamanda, bu aktivlər təxminən 6 dəfə artıb. Bu isə onu göstərir ki, bu bank da iqtisadi böhran üzündən vəsaitlərin yerləşdirilməsində çətinlik çəkir.
Ötən il “Kapital Bank” ASC-nin müştərilərinin depozitləri 791 mln manat artaraq 2017-ci il yanvarın 1-i üçün 1 mlrd 916 mln manata çatıb.
2016-cı ildə bankın gəlirləri 336,4 mln manat olub. Bank mümkün itkilər üzrə 66 mln manat ehtiyat yığıb. Mənfəət vergisi çıxılandan sonra (15,9 mln manat) bankın xalis mənffəti 52 mln 384 min manat təşkil edib. Bu, 2015-ci ildəkindən 9,5 mln manat azdır.
“Kapital Bank” ASC-nin nizamnamə kapitalı 185 mln manatdır. O, “Pasha Holding” qrupuna daxildir, Bankın səhmlərinin 99,87%-i bu qrupa məxsusdur. 08B
İqtisadiyyat
-
Azərbaycanda iki il əvvəl qəbul olunan, ötən ilin əvvəlində qüvvəyə minən və Venesiya Komissiyasının tənqid etdiyi "Siyasi partiyalar haqqında" yeni qanun öz təsirini göstərir. Dekabrın 4-də iki siyasi partiyanın - Azadlıq Partiyası və Azad Demokratlar Partiyasının məhkəmə yolu ilə fəaliyyəti dayandırılıb. Ədliyyə Nazirliyi məhkəməyə müraciətinin səbəbini bu iki partiyanın sənədlərində uyğunsuzluqların olmasını göstərib.
-
2024-cü ilin ilk on ayında Bakının ticarət dövriyyəsi ötən ilin eyni dövrü ilə müqayisədə 4,4% artaraq 28,2 milyard manat təşkil edib. Bu barədə Bakı Şəhər Statistika İdarəsi məlumat yayıb.
-
SOCAR və İtaliyanın Intesa Sanpaolo bankı arasında mühüm maliyyə əməkdaşlığı barədə razılaşma imzalanıb. Bu addım SOCAR-ın maliyyə imkanlarını gücləndirmək və yaşıl enerji sahəsindəki iddialı layihələri üçün resurs təmin etmək istiqamətində irəliləyiş kimi qiymətləndirilir.
-
2024-cü ilin ilk 11 ayında Azərbaycan turizm sektorunda güclü bir bərpa müşahidə edib. Dövlət Sərhəd Xidmətinin məlumatına əsasən, ölkəyə 2,41 milyon əcnəbi və vətəndaşlığı olmayan şəxs gəlib ki, bu da əvvəlki ilin eyni dövrü ilə müqayisədə 27,4% artım deməkdir. Bu artım Azərbaycanın turizm məkanı kimi artan cazibəsini, həmçinin mənbə bazarlarının müxtəlifləşdirilməsi və nəqliyyat infrastrukturunun təkmilləşdirilməsi ilə əlaqələndirilir.
Rəy yaz