Bazar ertəsi Bakı Apellyasiya Məhkəməsi Xalq Cəbhəsi Partiyasının (AXCP) sədr müavini Fuad Qəhrəmanlının şikayətini təmin etməyib. Şikayət həbs cəzasının ev dustaqlığı ilə əvəz edilməsi barədə vəsatətin təmin edilməsilə bağlı verilib. Bunu Turan-a Vəkil Nemət Kərimli bildirib.
Onun sözlərinə görə, F.Qəhrəmanlı məhkəmədə bildirib ki, ədalətli qərar gözləmir və hakimləri prosesi tez başa çatdırmağa çağırıb.
F.Qəhrəmanlı həbsinin siyasi motivli olduğunu bildirib.
“Biz bilirdik ki, apellyasiya şikayətinə baxılması formal olacaq. Lakin biz bu instansiyanı keçməliydik. Artıq bütün daxili milli mexanizmlər tükənib və biz Avropa İnsan Hüquqları Məhkəməsinə müraciət edəcəyik”, - vəkil vurğulayıb.
F. Qəhrəmanlı 2015-ci il dekabrın 8-də dövlətə qarşı açıq çağırışlar, milli, irqi və dini ayrı-seçkilik salmaq ittihamı ilə həbs edilib. Xüsusən, o, Nardaran qəsəbəsində “Müsəlman birliyi” hərəkatının lideri Taleh Bağırzadənin həbsindən sonra qəsəbədə hüquqazidd əməllərə çağırımaqda ittiham olunur.—06B--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz