![Şahidlər Məmməd İbrahimin xeyrinə ifadə veriblər](https://turan.az/resized/750/500/resize/media/2016/main/020100145482.jpg)
Şahidlər Məmməd İbrahimin xeyrinə ifadə veriblər
Fevralın 1-də Nərimanov Rayon Məhkəməsində Turqay Hüseynovun sədrliyilə AXCP sədrinin müşaviri Məmməd İbrahimin işi üzrə növbəti məhkəmə iclası keçirilib. Prosesdə ittiham tərəfinin iki şahidi müxalifətçinin xeyrinə ifadə verib.
M.İbrahim ötən il sentyabrın 30-da keçmiş AXCP üzvü Mikayıl Quliyevin şikayəti əsasında xuliqanlıqda (221.1) ittiham edilib. Sonradan bu maddə ağır 221.2.2-ci maddəyə tövsif olunub ki, bu da 5 ilədək azadlıqdan məhrumetmə cəzasını nəzərdə tutur.
Vəkil Yalçın İmanov Turan-a bildirib ki, fevralın 1-də ittiham tərəfinin iki şahidi Vüqar Abbasov və Elçin Şükürov ifadə veriblər.
Onlar ötən il sentyabrın 29-da baş vermiş hadisənin şahidi olublar.
Şahidlər bildiriblər ki, M.İbrahim M.Quliyevdən Facebook-da təhqir olunmasının səbəbini soruşub.
Lakin M.Quliyev “yaxşı eləmişəm” deyərək M.İbrahimin üstünə atılıb. Şahidlər onları aralamağa çalışıblar. Bu zaman M.Quliyevin köynəyi bir az cırılıb. Bir müddət sonra M.Quliyev tam cırılmış köynəklə polis maşınında Nərimanov rayonunda insidentn baş verdiyi çayxananın yanına gəlib.
Şahidlər həmçinin qeyd ediblər ki, istintaq zamanı hadisə yerində polisin cəlb etdiyi daha iki “zərərçəkən”in olması barədə yalan ifadə vermək üçün onlara təzyiq göstərilib. Lakin şahidlər təzyiqlərə uymayıblar.
Y.İmanov Nərimanov Rayon Polis İdarəsinin müstəntiqi Mübariz Süleymanzadənin və həmin idarənin istintaq şöbəsinin rəisinin əlavə şahid kimi məhkəməyə çağırılması barədə vəsatət qaldırıb.
Lakin hakim bu mərhələdə vəsatəti baxılmamış saxlayaraq növbəti iclası fevralın 12-nə təyin edib.
Xatırladaq iş üzrə keçən Mikayıl Quliyev ötən ilin yayında Razi Nurullayevin qrupu ilə blrlikdə AXCP-ni tərk edib.–06B--
-
- Cəmiyyət
- 2 Fevral 2016 01:04
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz