Bu gün Bakı Apellyasiya Məhkəməsi Sahib Əhmədovun sədrliyi ilə gənc fəal Orxan Eyyubzadənin həbsinin bir ay uzadılması ilə bağlı şikayətini təmin etməyib. Bu barədə Turan-a vəkil Əsabəli Mustafayev bildirib.
Vəkil Eyyubzadənin həbsə saxlanılmasını əsassız sayır və Avropa İnsan Hüquqları Məhkəməsinə şikayət vermək niyyətindədir.
Onun sözlərinə görə, Strasburq Məhkəməsinin artıq Azərbaycanda məhkəmədən öncəki həbslərin əsassız olması barədə 4 qərar qəbul etməsinə baxmayaraq, məhkəmələr bu təcrübəni davam etdirirlər, xüsusən də siyasi işlər üzrə.
Vəkil həmçinin həbsin ev dustaqlığı ilə əvəz edilməsi haqqında vəsatət qaldırmaq niyyətindədir.
Xatırladaq ki, Eyyubzadə mayın 6-da NİDA hərəkatının fəaları barəsində hökmə etiraz aksiyasında iştiraka görə 20 gün müddətinə həbs edilib. Lakin həbs müddəti başa çatdıqdan sonra o, azad edilməyib. Fəal Binəqədi rayon məhkəməsinə gətirilib, məhkəmə onu CM-in 315.1-ci maddəsi (hakimiyyət nümayəndəsinə qarşı güc tətbiq etmək) maddəsi ilə 1 ay həbs edib. Bu maddə 3 ilədək azadlıqdan məhrumetmə cəzası nəzərdə tutur. -06B-
Cəmiyyət
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
-
Lider mobil operatorun elan etdiyi sosial layihə müsabiqəsində qalib gələn "Alternativ” Kommunikasiya və Tədqiqatlar İctimai Birliyi “FarmHer” proqramını həyata keçirir
-
AZAL təyyarəsinin qara qutuları Braziliyadan Qazaxıstana qaytarılıb və 25 dekabrda Aktau Hava Limanı yaxınlığında baş verən aviasiya qəzasının təhlili üçün araşdırma komissiyasına təqdim edilib. Bu barədə Qazaxıstanın Baş Prokurorluğu məlumat yayıb.
-
Yanvarın 15-də Məktəbəqədər və Ümumi Təhsil üzrə Dövlət Agentliyi bildirib ki, təhsilalanların tədris proosesi zamanı xüsusi hallar istisna olmaqla, telefon və digər ağıllı cihazlardan istifadəsi qadağan olunub.
Rəy yaz