Yanvarın 9-da Bakı Apellyasiya Məhkəməsində Vüqar Məmmədovun sədrliyi ilə hüquq müdafiəçisi Oqtay Gülalıyevin yetkinlik yaşına çatmamış oğlu Əli Gülalıyevin şikayəti üzrə hazırlıq iclası keçirilib.
Xatırladaq ki, hüquq müdafiəçisinin oğlu 20 sentyabr 2013-cü il tarixində təhsil aldığı 165 saylı məktəbdə davada iştirak etməkdə ittiham olunub. Bu iş üzrə zərərçəkmiş elə həmin məktəbin şagirdi Bayram Sultanlı idi, amma o, şikayətini geri götürüb.
Bununla belə, Xətai rayon məhkəməsi oktyabrın 30-da Əli Gülalıyevi xuliqanlıqda təqsirli bilib və maaşının 15%-i tutulmaqla, 6 ay islah işlərinə cəlb edib.
Bu gün hazırlıq iclasında yeniyetmənin atası işin birinci instansiya məhkəməsinə qaytarılması haqqında vəsatət qaldırıb. Gülalıyevin sözlərinə görə, protokollarda proses iştirakçılarının ifadələri təhrif edilib.
Apellyasiya Məhkəməsi şikayəti təmin edib və müdafiə tərəfin iradlarının protokollara daxil edilməsi üçün işi birinci instansiya məhkəməsinə qaytarıb.
Qeyd edək ki, Ə.Gülalıyev özü sözü gedən hadisədən üç gün sonra naməlum şəxslər tərəfindən döyülüb və yaralanıb, amma bu iş hələ də araşdırılmayıb. -06D-
Cəmiyyət
-
Azərbaycan rütubətli və soyuq hava şəraitinə hazırlaşır, Bakıda və Abşeron yarımadasında yağış və qar yağacağı proqnozlaşdırılır. Milli Hidrometeorologiya Xidməti güclü şimal-qərb küləyinin gün ərzində tədricən zəifləyəcəyini bildirir.
-
Azərbaycan Xarici İşlər Nazirliyi (XİN) Rusiya İnformasiya və Mədəniyyət Mərkəzinin (Rus Evi) Bakıda qeydiyyata alınması tələbi ilə həmin ölkənin XİN-inə nota göndərib.
-
Antisemitizm yəhudi tarixinin əsas hissəsi olub və bütün Avropada qaçqın dalğalarına səbəb olub. Orta əsrlərdə minlərlə yəhudi Fransa, İspaniya, Portuqaliya və Avropanın digər ölkələrində repressiya və qırğınlardan canlarını qurtararaq Osmanlı İmperiyasında sığınacaq tapıblar.
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
Rəy yaz