Dekabrın 23-də Bakı Apellyasiya Məhkəməsində jurnalist Pərviz Həşimlinin məhkəmənin MTN istintaq təcridxanasından Penitensiar Xidmətin istintaq təcridxanasına keçirilməsindən imtina haqqında qərarından verdiyi apellyasiya şikayətinə baxılıb.
Həşimli MTN istintaq təcridxanasında fiziki və psixoloji təzyiqə məruz qaldığını bildirib. Lakin dekabrın 13-də Səbail rayon məhkəməsi onun Penitensiar Xidmətin istintaq təcridxanasına köçürülməsi haqqında müraciətini təmin etməyib.
Bazar ertəsi Həşimli qara maskalı 6 nəfərin müşaiyəti ilə Apellyasiya Məhkəməsinə gətirilib. Vəkil Yalçın İmanovun Turan-a verdiyi məlumata görə, Həşimli dekabrın 13-də məhkəmədən sonra MTN-ə gətirildiyini və məhkəmədə “MTN-də qanunların zorladığı” haqqında ifadəsinə görə karserə salındığını bildirib.
Vəkilin sözlərinə görə, Həşimlini soyunduraraq, 4 saat karserdə saxlayıblar. Jurnalist soyuqlayıb və xəstələnib. Vəziyyətinin kəskin şəkildə pisləşməsi ilə əlaqədar növbəti gün Həşimlini adi kameraya qaytarıblar.
MTN-in istintaq təcridxanasında Həşimlinin doğmaları ilə görüşmək və telefonla danışmaq hüququnu müntəzəm olaraq pozurlar.
* Pərviz Həşimli sentyabrın 17-də qanunsuz silah saxlamaq və silah qaçaqmalçılığı ittihamı ilə həbs edilib. O, ittihamları təkzib edir və jurnalist və hüquq müdafiə fəaliyyəti ilə əlaqədar həbs edildiyini hesab edir.
Həşimli “Bizim yol” qəzetinin əməkdaşı və moderator.az saytının rəhbəridir. Bundan başqa, o, Siyasi və Mülki Hüquqları Müdafiə Mərkəzinin rəhbəridir. -06B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz