Bu gün Bakı Apellyasiya Məhkəməsində hakim Camal Ramazanovun sədrliyi ilə “Tolışi-sədo” qəzetinin baş redaktoru Hilal Məmmədovun işi üzrə hazırlıq iclası keçirilib.
Apellyasiya şikayəti Ağır Cinayətlərə dair İşlər üzrə Məhkəmənin Məmmədovun dövlətə xəyanət, millətlərarası ayrı-seçkilik salmaq və narkotik ticarəti ittihamı ilə 5 il azadlıqdan məhrum edilməsi haqqında 27 sentyabr tarixli qərarından verilib.
Vəkil Ramiz Məmmədovun Turan-a verdiyi məlumata görə, AM-də hazırlıq iclası qapalı keçirilib. Məhkəmə bunu iş materiallarında dövlətə xəyanət ittihamı ilə bağlı hissədə dövlət sirrinin olması ilə əsaslandırıb.
Lakin müdafiə tərəfi açıq prosesin keçirilməsi haqqında vəsatət qaldırıb. Bundan başqa, vəkillər birinci instansiya məhkəməsi işə qeyri-obyektiv baxdığı üçün təkrar məhkəmə istintaqı aparılması haqqında vəsatət qaldırıblar.
Vəkillər həmçinin qətimkan tədbirinin dəyişdirilməsi və Məmmədovun həbsdən azad edilməsi haqqında vəsatət qaldırıblar.
Lakin məhkəmə vəsatətlərin heç birini təmin etməyib və şikayətə mahiyyəti üzrə baxılmasını 25 dekabr saat 10.30-a təyin edib. Müdafiə tərəfi hazırlıq iclasının qərarından kassasiya şikayəti veriləcəyini istisna etmir.
* Məmmədov 21 iyun 2012-ci il tarixində DİN-in Narkotiklərə qarşı Mübarizə İdarəsinin əməkdaşları tərəfindən qanunsuz narkotik ticarəti ittihamı ilə həbs edilib. Sonradan o, dövlətə xəyanətdə və millətlərarası ayrı-seçkilik salmaqda ittiham edilib.
Yerli hüquq müdafiəçiləri Məmmədovun İnternetdə yerləşdirdiyi “Tı, kto takoy, davay, do svidania” videoçarxı ilə bağlı tənqidi şərhlərinə görə təqib olunduğundan əmindirlər. Belə ki, Məmmədov qeyd edib ki, bu klip Azərbaycanı hakimiyyətin böyük vəsait xərcləyərək keçirdiyi “Eurovision” müsabiqəsindən daha çox məşhurlaşdırıb. Amnesty İnternational Məmmədovu “vicdan məhbusu” kimi tanıyıb. -06D-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz