Noyabr ayinda təkrar mənzil bazarinda qiymətlər 1,5% artib

Noyabr ayında paytaxtın və eləcədə respublikanın digər şəhərlərinin Təkrar Mənzil Bazarında (TMB) qiymətlər orta hesabla 1,5% artıb. Son bir ayda ötən aya nisbətən bazardakı aktivliyin artması və bağlanan əqdlərin dinamikasında da artım halları müşahidə edilmişdir. Mütəxəssislərin hesablamalarına görə, ay ərzində satışa çıxarılan mənzillərin orta qiyməti-1 kv/m üçün-1310 ABŞ dolları təşkil edib. Ötən ilin müvafiq dövrü ilə müqayisədə qiymət artımının  35%, ilin əvvəli ilə müqaisədə isə 25% olduğu qeyd olunur. Ay ərzində ümumi portfeldə ucuz evlərin payi yani, 1 kv/m orta qiymətindən (1310 dollar) aşağı olan mənzillər ümumi portfeldə daha çox paya, 57 %-ə malik olmuşdur. Ay ərzində ən çox qiymət artımı 1-2 otaqlı mənzillərdə qeydə alınmışdır. 3-4-5 otaqlı mənzillərin qiymətlərində ciddi qiymət artımı müşahidə edilməmişdir.  Yasamal, Nəsimi, Nərimanоv və Xətai rayоnlarının təklif pоrtfеlindəki payı ötən aylarda olduğu kimi mütləq çохluq təşkil еdib və onların ümumi payı 75%-dən daha yuxarı olmuşdur.  

Ekspertlər noyabr ayında TMB-da qiymətlərin bahalaşmasını bir sıra səbəblərlə izah edirlər. Mütəxəssislər son aylarda TMB-da təklifin az olması səbəbindən, tələbin artdığını vurğulayırlar.  Əmlak bazarında vasitəçi kimi çalışan şəxslərdən biri mövcud vəziyyəti belə şərh etdi “ Son bir neçə aydır ki, yaxşı mənzillər TMB-da çöx az təklif olunur, olanda da baha qiymətə təklif olunur. Belə olduğu halda isə qiymətlər bahalaşmağa meyilli olur.” Əsasən 1-2 otaqlı mənzillərin qiymətlərinin daha çox bahalaşmasına aydınlıq gətirən mütəxəssis, İpoteka üçün verilən maksimum 50 min manatın çox otaqlı mənzillərin alınmasına kifayət etməməsi ilə əlaqələndirir. Ekspertlər eləcədə ipoteka amilinin Təkrar Mənzil Bazarında qiymətlərin bahalaşmasına ciddi təsir göstərdiyini vurğulayırlar. İpoteka ilə alınan mənzillərin 80%-nin bazarın bu seqmentinə aid olması və tələbin daha çox bu seqmentə düşməsi qiymətlərin bahalaşmasına şərait yaradır. Mütəxəssislər əsasən TMB-da təklif olunan mənzillərin ipotekaya satıldığı halda, uzun illər (10-25 il) girova qoyulduğundan, onların yenidən satışa çixarılması məhdudlaşdırıldığından, TMB-da təklifin ildən ilə azalacağını proqnozlaşdırırlar.

Yanacağın qiymətinin qalxmasınin mənzil bazarına təsirini proqnozlaşdıran , “M.B.A LTD” şirkətinin rəhbəri, daşınmaz əmlakın qiymətləndirilməsi üzrə ekspert, Nüsrət İbrahimovun sözlərinə görə, bu hadisə daşınmaz əmlakın qiymətinə ciddi təsir etməyəcək. 

Yaxın günlərdə TMB-da sabitliyin davam edəcəyi proqnozlaşdırılır.