Apellyasiya Məhkəməsi İlham Əmiraslanov barəsində hökmləri qüvvədə saxlayıb
Bu gün Şirvan Apellyasiya Məhkəməsi Sabirabad rayon məhkəməsinin qanunsuz silah saxlamaq ittihamı ilə (CM-in 228.1-ci maddəsi) həbs edilmiş “Kür” vətəndaş cəmiyyəti qərargahının fəalı İlham Əmiraslanovun iki il müddətinə azadlıqdan məhrum edilməsi haqqında 13 sentyabr tarixli qərarını qüvvədə saxlayıb.
Məhkəmə iclası Bakıda keçirilib və işin saxtalaşdırılmasına dair təkzibolunmaz dəlillərə baxmayaraq, qərar qəbul edilib, deyə vəkil Samir İsayev Turan-a bildirib.
Hüquq müdafiəçisi və onun şahidləri məhkəmədə bir daha bildiriblər ki, silah onun üzərinə qəsdən atılıb, onu isə işgəncə altında etirafedici ifadələr verməyə məcbur ediblər. Həkimlər də Əmiraslanovuniki qabırğasının qırıldığını, qulaq pərdəsinin zədələndiyini təsdiq ediblər.
Yanvarın 22-də AŞPA hüquqi məsələlər və insan hüquqları üzrə Komitəsi Əmiraslanovu Azərbaycanın siyasi məhbusları siyahısına daxil edib.
“Kür” qərargahının koordinatoru Oqtay Gülalıyev məhkəmənin qərarını “siyasi sifariş” adlandıraraq, qərargahın onun azad edilməsinə nail olacağını bildirib.
* İlham Əmiraslanov 2010-cu il daşqınından ziyan çəkmiş vətəndaşların hüquqlarının prinsipal və ardıcıl müdafiəçisi kimi məşhurdur. -0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz