Bakı Apellyasiya Məhkəməsi REAL Hərəkatının lideri, həbsdə olan İlqar Məmmədovun 90 saylı Ağdaş seçki dairəsindən deputatlığa namizədliyinin qeydiyyatının ləğvi ilə bağlı şikayətini təmin etməyib. Bu barədə Turan-a İ.Məmmədovun səlahiyyətli nümayəndəsi, REAL Hərəkatının icraçı katibi Natiq Cəfərli bildirib. Onun sözlərinə görə, müdafiə tərəfi qərardan Ali Məhkəməyə şikayət edəcək.
N.Cəfərli bildirib ki, dairə seçki komissiyası ilkin olaraq İ.Məmmədovun deputatlığa namizədliyini təsdiqləyib və qeydiyyat üçün seçici imzasının toplanmasından ötrü imza vərəqələri verib. Lakin MSK müdaxilə edərək aprelin 29-da Şəki Apellyasiya Məhkəməsinin İ.Məmmədovun şikayətini təmin etmədiyini və beləliklə də onun barəsində hökmün qüvvəyə mindiyini əsas gətirdikdən sonra DSK İ.Məmmədovun namizədliyinin təsdiq edilməsi barədə qərarı ləğv edib.
N.Cəfərli hesab edir ki, DSK-nın qərarı qanunsuzdur, çünki Avropa İnsan Hüquqları Məhkəməsinin İ.Məmmədovun həbsinin qanunsuz olduğunu və Avropa konvensiyasının 18-ci maddəsi üzrə hüquqlarının pozulduğunu, yəni onun siyasi motivlərlə təqib olunduğunu təsdiqləyən qərarı var. AİHM İ.Məmmədovun dərhal azadlığa buraxılmasını tələb edib və onun qərarı Azərbaycanda məcburi qüvvəyə malikdir. Odur ki, İ.Məmmədovun seçkilərdə iştirak etmək hüququ var.
*İlqar Məmmədov 2013-cü ilin yanvarında İsmayıllıda baş vermiş iğtişaşların təşkilində ittiham olunaraq 7 il azadlıqdan məhrum edilib. “Amnesty International” İ.Məmmədovu “vicdan məhbusu” kimi tanıyıb və onun dərhal azadlığa buraxılmasını tələb edib.
90 saylı seçki dairəsində təkrar seçkilər noyabr seçkiləri zamanı səsvermənin nəticələrinin ləğvi ilə əlaqədar keçirilir.–06C--
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz