Oktyabrın 7-də Bakı Apellyasiya Məhkəməsi jurnalist Xədicə İsmayılovanın ona qarşı cinayət işindən qanunsuz sahibkarlıqla bağlı ittihamın götürülməsi barədə şikayətini təmin etməyib. Bu barədə Turan-a vəkil Fariz Namazlı bildirib.
O, qərardan Ali Məhkəməyə kassasiya şikayəti veriləcəyini deyib.
Xədicə İsmayılova 2014-cü ilin dekabrında həbs edilib. Ona Cinayət Məcəlləsinin 179.3.2 (mənimsəmə və israf etmə - külli miqdarda törədildikdə), 192.2.2 (qanunsuz sahibkarlıq), 213.1 (vergi ödəməkdən yayınma) və 308.2-ci (vəzifə səlahiyyətlərindən sui-istifadə), 125-ci (intihar həddinə çatdırma) maddələri üzrə ittiham elan edilib.
O, Bakı Ağır Cinayətlər Məhkəməsinin hökmü ilə 7 il 5 ay müddətinə azadlıqdan məhrum edilib. Məhkəmə həmçinin 125-ci maddə üzrə jurnalistə bəraət verib.
2016-cı ilin mayında Ali Məhkəmə İsmayılovaya mənimsəmə və vəzifə səlahiyyətlərindən sui-istifadə ittihamları üzrə bəraət verib və o, 3 il 6 ay şərti cəza ilə həbsdən azadlığa buraxılıb.
Daha sonra X.İsmayılova onun barəsində Cinayət Məcəllləsinin 192.2.2-ci (qanunsuz sahibkarlıq) maddəsinə xitam verilməsi ilə bağlı şikayət ərizəsi verib. Avqustun 8-də Bakı Ağır Cinayətlər Məhkəməsi jurnalistin cəza müddətini 3,5 ildən 2 il 3 ayadək azaldıb.
Beləliklə, məhkəmə Cinayət Məcəlləsinin 192-ci maddəsi (qanunsuz sahibkarlıq) üzrə ittihamın onun üzərindən götürülməsi ilə bağlı X.İsmayılovanın müraciətini qismən təmin edib.
Bu il iyunun 1-də Cinayət Məcəlləsinə dəyişikliklər qüvvəyə minib. Dəyişikliklər 192-ci maddəyə də aid edilib. Qanunun yeni redaksiyasına görə, Xarici İşlər Nazirliyində akkreditəsi olmadan jurnalistin xarici media ilə əməkdaşlığını “qanunsuz sahibkarlıq” kimi interpretasiya etmək olmaz. Məhkəmə yalnız ittihamı 192.2.1-ci maddədən (külli miqdarda gəlir əldə etməklə qanunsuz sahibkarlıq) 192.1-ci (qanunsuz sahibkarlıq) maddəyə tövsif edib. -03B-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz