Apellyasiya Məhkəməsi keçmiş müstəntiqin barəsində hökmü qüvvədə saxlayıb

Bu gün Şirvan Apellyasiya Məhkəməsində Zərdab Rayon Prokurorluğunun keçmiş müstəntiqi, rüşvət almaq ittihamı ilə 9 il azadlıqdan məhrum edilmiş  Rüfət Səfərovun şikayətinə baxılıb. 

Vəkil Bəhruz Bayramov Turan-a bildirib ki, Apellyasiya Məhkəməsi hökmü qüvvədə saxlayıb.

Vəkil və R.Səfərov sübutların saxta olduğunu bildiriblər.

“Rüfət Səfərov deyib ki, əgər o, pul düşkünü olsaydı  2015-ci ilin dekabrında istefa verməzdi və yanvarda 5 min manatdan çox məzuniyyət və mükafat pulu alardı. Kim 5 min manatdan imtina edib 300-500 manat məbləğində rüşvət alar?”, - vəkil qeyd edib.

O, məhkəmənin qərarını özbaşınalıq adlandırıb. “Qanunları bu şəkildə tapdalamaq, azad fikirliliyə görə insanlarla haqq-hesab çəkmək olmaz”, - o vurğulayıb.

Vəkil deyib ki, müdafiə tərəfi Ali Məhkəməyə kassasiya şikayəti verəcək, təmin edilmədiyi halda Avropa İnsan Hüquqları Məhkəməsinə müraciət ediləcək.

Prosesi ABŞ səfirliyinin nümayəndəsi, Rüfət Səfərovun Hüquqlarını İctimai Müdafiə Komitəsinin  üzvləri, ictimai xadimlər, keçmiş siyasi məhbuslar izləyiblər.

* Keçmiş müstəntiq Rüfət Səfərov 2016-c ilin sentyabrında mühakimə edilib. Bundan öncə “davranış normalarını pozduğuna görə” prokurorluq orqanlarından xaric edilib.

Onun atası, hakim partiyanın keçmiş fəalı, uzun müddət parlamentin deputatı, sonralar Müdafiə Nazirliyinin mətbuat katibi olmuş Eldar Sabiroğlu Azərbaycan Prezident Administrasiyasının rəhbəri Ramiz Mehdiyevi kəskin tənqid edib. R.Səfərovun prokurorluq orqanlarından istefası və həbsi bu tənqidi münasibətdən sonraya təsadüf edir.03В06-

Rəy yaz

Cəmiyyət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti