Bakı/19.03.18/Turan: Bakı Apellyasiya Məhkəməsi (BAM) Zərdab rayon prokurorluğunun kemiş müstəntiqi Rüfət Səfərovun şikayətini təmin etməyib.
Şikayət Xəzər rayon məhkəməsinin Səfərovun 9 saylı cəzaçəkmə müəssisəsində keçmiş müstəntiqə qarşı işgəncə faktı üzrə cinayət işi açmaqdan imtinası ilə bağlı şikayətini təmin etməyən Xəzər rayon prokurorluğunun qərarından verilmişdi.
Apellyasiya məhkəməsinin iclasında Səfərov bildirib ki, 2017-ci ilin sentyabrında 9 saylı cəzaçəkmə müəssisəsində işgəncələrə məruz qalıb.
O, Apellyasiya Məhkməsindən cəzaçəkmə müəssisəsində ona baş çəkən və bədənində zorakılıq izlərini görən Ombudsman Aparatının, Beynəlxalq Qırmızı Xaç Komitəsinin əməkdaşlarını çağırıb, şahid qismində dindirməyi xahiş edib.
Amma BAM hakimi Qədim Babayev vəsatəti və apellyasiya şikayətini təmin etməyib.
Səfərovun doğmaları bildiriblər ki, bu qərardan Avropa İnsan Hüquqları Məhkəməsinə şikayət veriləcək.
* R.Səfərov Zərdab rayon prokurorluğunun müstəntiqi olub. 20 dekabr 2015-ci il tarixində o, hüquq-mühafizə orqanlarında qanunsuzluqlar haqqında bəyanat verib və istefa edib.
Elə həmin il dekabrın sonlarında Səfərova qarşı rüşvət almaq ittihamı ilə cinayət işi açılıb. 2016-cı ilin sentyabrında Lənkəran Ağır Cinayətlər Məhkəməsi Səfərovu 9 il müddətinə azadlıqdan məhrum edib.
Rüfət Səfərov YAP-dan keçmiş deputat və Müdafiə Nazirliyi mətbuat xidmətinin keçmiş rəhbəri Eldar Sabiroğlunun oğludur. -05B06-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz