Rusiya regionda gücünü nümayiş etdirir - ekspert E.Şahinoğlu

Bakı/19.03.18/Turan: Çətinləşən beynəlxalq şəraitdə Azərbaycanın tarazlaşdırılmış xarici siyasət yürütməsi getdikcə daha da çətinləşir. Bu fikri Turan agentliyini "Çətin Sual" verilişinə müsahibəsində "Atlas" Araşdırmalar Mərkəzinin rəhbəri Elxan Şahinoğlu bildirib.

Ekspert qeyd edib ki, Qərb və Rusiya arasında münasibətlər həddindənartıq gərgindir, Moskvaya qarşı sanksiyalar genişləndirilir.

Bu fonda tarazlaşdırılmış xarici siyasət həyata keçirmək getdikcə çətinləşir.

Bəzən dövlətlər Bakıdan birmənalı seçim etməyi tələb edirlər.

Şahinoğlunun fikrincə, bu hallar Azərbaycanı yaxın gələcəkdə manevr etmək zərurəti ilə üz-üzə qoyacaq.

Digər tərəfdən, regional gərginlik artır və Xəzər Rusiya tərəfindən daha çox hərbiləşdirilir.

İş o yerə çatıb ki, Moskva Xəzərdən Suriyaya orta məsafəli raketlərlə zərbə endirib.

Rusiya Xəzərdə Türkmənistandan Azərbaycana sualtı qaz kəməri tikintisinə qarşı çıxır.

Bundan başqa, Moskva Dağıstanda hərbi qruplaşmanı gücləndirir.

Rusiya regionda gücünü nümayiş etdirir, heç bir zərurət olmadan Xəzərdən Suriyaya raket zərbələri endirir, Dağıstanda hərbi qüvvələri gücləndirir.

RF bir tərəfdən ən müasir silahlara malik olduğunu göstərir. Digər tərəfdən, Kreml Xəzəryanı ölkələrə Xəzərin sahibinn məhz o olduğu haqqında mesaj göndərir.

Qərbin Rusiya və İranla münasibətləri korlaşmağa davam etdikcə Azərbaycan ətrafında gərginlik də artacaq.

İran və Rusiya öz qonşularından Qərbdən uzaq durmağı tələb edəcək.

İran və Rusiya Azərbaycanın müvafiq olaraq İsrail və Qərblə əlaqələrinin inkişafına ehtiyatla yanaşır.

Azərbaycan İsrailə neft satır, ondan silah alır, amma İran hesab edir ki, bu əməkdaşlıq tehrana qarşı yönəlib.

Rusiyada da Azərbaycan və Qərb arasında əməkdaşlığın RF-nin maraqlarına qarşı yönəldiyindən şübhələnirlər.

Buna görə Qərbin Rusiya və İrana qarşı siyasəti sərtləşdikcə bu ölkələrin müəyyən dairələri Azərbaycan qarşı öz münasibətlərini də sərtləşdirəcəklər.

Bununla belə, Şahinoğlu iqtisadi maraqların bir-birinə uyğun olması zəminində Azərbaycan, RF və İranın iştirakı ilə regiona iqtisadi layihələr həyata keçirilə bilər.

Belə ki, Bakı, Moskva və Tehran Şimal-Cənub nəqliyyat dəhlizi layihəsi həyata keçirir.

Bu günlərdə Bakıda Azərbaycan, İran, Türkiyə və Gürcüstan XİN başçılarının görüşü keçirilib, görüşdə Hind Okeanı hövzəsindən yüklərin Qaradənizə və oradan Avropaya daşınmasını nəzərdə tutan Cənub-Qərb nəqliyyat dəhlizi layihəsinin həyata keçirilməsi məsələsi müzakirə olunub. Bakı-Tbilisi-Qars dəmir yolunun açılması da bu ideyanın həyata keçirilməsinə şərait yaradır. Azərbaycan hesab edir ki, Şimal-Cənub və Cənub-Qərb layihələri bir-birini tamamlayacaq və bu, böyük dövlətlərin iqtisadi maraqlarını bir araya sığdırmağa imkan verəcək.

Bu, həm Azərbaycanın, həm də digər tərəflərin maraqlarına uyğundur.

Amma İran və Rusiyanın bu layihələrdə nə dərəcədə maraqlı olduğunu zaman göstərəcək, deyə Şahinoğlu qeyd edib. -06D-