Apellyasiya Məhkəməsi Pərviz Həşimlini həbsdə saxladı
Sentyabrın 26-da Bakı Apellyasiya Məhkəməsində Abid Abdinbəyovun sədrliyi ilə jurnalist Pərviz Həşimlinin qanunsuz həbsi ilə bağlı şikayətinə baxılıb.
Vəkil Anar Qasımlının Turan-a verdiyi məlumata görə, jurnalist ona qarşı irəli sürülmüş silah qaçaqmalçılığı və qanunsuz silah saxlamaq ittihamlarının saxta olduğunu təkrar edib.
O, məhkəmədən qətimkan tədbirinin ev dustaqlığı ilə əvəz edilməsini xahiş edib. Lakin məhkəmə bu vəsatəti və bütünlükdə şikayəti təmin etməyərək, Həşimlini həbsdə saxlayıb.
Vəkil bildirib ki, növbəti addımlar Həşimlinin zaminə buraxılması və ya həbsin ev dustaqlığı ilə əvəz edilməsi haqqında yeni vəsatətlər qaldırılması ola bilər.
* Xatırladaq ki, Həşimli “Bizim yol” qəzetinin parlament müxbiri, moderator.az saytının və Siyasi və Mülki Hüquqların Müdafiəsi Mərkəzi QHT-nin rəhbəri, habelə AXCP Ali Məclisinin üzvüdür.
Təqsiri sübuta yetirilərsə, o, 8 ilədək azadlıqdan məhrum edilə bilər. -06D-
Cəmiyyət
-
Dövlət Təhlükəsizliyi Xidməti və Dövlət Sərhəd Xidmətinin narkotik vasitələrin dövriyyəsinə qarşı birgə keçirdikləri əməliyyat-axtarış tədbirləri nəticəsində İran İslam Respublikasının vətəndaşları tərəfindən Azərbaycan ərazisinə qaçaqmalçılıq yolu ilə keçirilmiş külli miqdarda narkotik vasitə aşkar edilərək götürülüb.
-
Avqust ayında Azərbaycanda havanın orta aylıq temperaturu iqlim normasına yaxın olacaq.
-
İyulun 30-da Türkiyə və Ermənistanın Normallaşma Prosesinin xüsusi nümayəndələri (səfir Serdar Kılıç və Ermənistan parlamentinin sədr müavini Ruben Rubinyan) iki ölkənin ortaq sərhədində yerləşən Əlican-Mərqara sərhəd qapısında beşinci görüşlərini keçirdilər. “Xüsusi nümayəndələr Akyaka/Axurik dəmir yolu sərhəd qapısının regional inkişaflara uyğun olaraq istifadəyə veriləcəyi təqdirdə tələb olunacaq texniki ehtiyacları qiymətləndirməyə və qarşılıqlı viza prosedurlarını asanlaşdırmağa razılaşdılar. Onlar son məqsədi tam normallaşma olan bu prosesin heç bir ilkin şərt olmadan davam etdirilməsi ilə bağlı razılığı təsdiqləyiblər”, - TRT-nin xəbərinə deyilir.
-
Bakıda cümə axşamı yağıntı gözlənilmir, lakin gecə Abşeronda bir sıra yerlərdə qısamüddətli yağış yağacağı ehtimalı var.
Rəy yaz