AXCP Gülalıyevlər ailəsinə polis təzyiqini pisləyir
Xalq Cəbhəsi Partiyası Milli Şuranın prezidentliyə vahid namizədi Cəmil Həsənlinin mətbuat xidmətinin rəhbəri Oqtay Gülalıyevin oğlu Əli Gülalıyevin döyülməsi və bıçaqlanması ilə bağlı etiraz bəyanatı yayıb.
O.Gülalıyevin oğlu Əli Gülalıyev sentyabrın 22-də naməlum şəxs və ya şəxslər tərəfindən döyülüb, həm də bıçaq xəsarəti yetirilib. O.Gülalıyev bu cinayət hadisəsinin birbaşa ictimai-siyasi fəaliyyəti ilə bağlı olması qənaətindədir.
Sentyabrın 26-sı isə günorta saatlarında özlərini Xətai rayon polis idarəsinin əməkdaşları kimi təqdim edən şəxslər O.Gülalıyevin evdə olmamasından istifadə edərək, zorla mənzilə soxulublar. Ə.Gülalıyevdən iradəsi ziddinə ifadə almaq istəyiblər. Polislər Ə.Gülalıyevə baş verən cinayəti bu işə dəxli olmayan başqa bir şəxsin üzərinə qoyması üçün fiziki və mənəvi təzyiqlər göstəriblər. Bu hadisə zamanı Gülalıyevlər ailəsi təhqirə məruz qalıb.
Müəlliflər polisin gerçək araşdırma yerinə qanunsuz, zorakı, mənəvi prinsipləri pozaraq hərəkət etməsini O.Gülalıyevin qənaət və şübhələrinin güclənməsi kimi qəbul edirlər. “Siyasi rəqiblərin övladlarını “zəif həlqə” hesab edib hücüm təşkil etmək iqtidarın mənəvi böhranının pik həddidir, belə davranış, heç kimə və heç bir cinaha uğur, baş ucalığı gətirə bilməz”, - deyə sənəddə polislərin əməllərinə qiymət verilir.
Müəlliflər baş verən cinayətin obyektiv araşdırılmasını, hüquq-mühafizə orqanlarının siyasi fəallara qarşı “dəyənək” rolunda çıxış etməsinə son qoyulmasını tələb edir. -05D-
Siyasət
-
Bu gün Tehran Universitetində Hamas siyasi bürosunun rəhbəri İsmail Haniyə və onun mühafizəçisi Wasim Abu Shaban üçün rəsmi vida mərasimi keçirilib. Hər iki şəxs 31 Avqust səhəri raket hücumunda həlak olub.
-
Bu gün ATƏT-in Demokratik Təsisatlar və İnsan Hüquqları Bürosunun müşahidə missiyası sentyabrın 1-də Milli Məclisə növbədənkənar seçkilərlə bağlı fəaliyyətə başladığını elan edib.
-
Çərşənbə günü Bayden administrasiyası Gürcüstanda demokratik institutların davam edən eroziyasına cavab olaraq ölkə hökumətinə xarici yardımın əhəmiyyətli bir hissəsini dayandırıb, Turan-ın Vaşinqton müxbiri bildirib.
-
İyulun 31-də Bakı Apellyasiya Məhkəməsində talış tədqiqatçısı İqbal Əbilovun həbsindən verilən şikayətə baxılıb.
Значит ли ликвидация Исмаила Хании начало большой войны против Израиля? - беседа с Аркадием Дубновым
Xəbər lenti
-
- Cəmiyyət,
- 12:51
- 208
Rəy yaz