Sentyabrın 26-da Bakı Apellyasiya Məhkəməsində hakim Camal Ramazanovun sədrliyi ilə həbs edilmiş hüquq müdafiəçisi Rəsul Cəfərovun bank hesabına həbs qoyulması ilə bağlı verdiyi şikayətinə baxılıb.
Prosesdə hüquq müdafiəçisinin nümayəndəsi Günay İsmayılova iştirak edib və Cəfərovun özünün də iştirakı təmin edilib.
Rəsul Cəfərov məhkəmədə çıxış edərək bank hesabına həbs qoyulması üçün Səbail Rayon Məhkəməsi kifayət qədər əsaslara malik olmadığını və buna görə də qanunsuz çıxarılmış qərarın ləğv edilməsini istədiyini bildirib.
Məhkəmə şikayəti təmin etməyib və Səbail Rayon Məhkəməsinin qərarını qüvvədə saxlayıb.
Qeyd edək ki, Səbail Rayon Məhkəməsi bir sıra yerli və beynəlxalq QHT-lərə qarşı açılmış cinayət işi ilə əlaqədar Baş Prokurorun müavini Rüstəm Usubovun təqdimatı və Ağır Cinayətlər üzrə istintaq idarəsinin müstəntiqinin vəsatəti əsasında Rəsul Cəfərovun “Bank REspublika” Açıq Səhmdar Cəmiyyətində olan hesabına həbs qoyulması barədə 07 iyul tarixli qərar çıxarıb.
Xatırladaq ki, Rəsul Cəfərov avqustun 2-də həbs edilib və ona qarşı Cinayət Məcəlləsinin 192 (qanunsuz sahibkarlıq), 213(vergidən yayınma) və 308(vəzifə səlahiyyətlərindən sui-istifadə) maddələri üzrə ittiham irəli sürülüb, barəsində 3 aylıq həbs tədbiri seçilib.
Qeyd edək ki, Amnesty İnternational Cəfərovu “vicdan məhbusu” kimi tanıyıb. -0-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz