Müdafiə komitəsi ziyalıları siyasi məhbuslara olan işgəncələrə susmamağa çağıırır

Lelyla Yunus və digər siyasi məhbusların Hüquqlarını Mudafiə Komitəsi cümə günü təcili iclas keçirib.

İclasın keçirilməsinə səbəb L.Yunusun təcridxanada, İslam Partiyasının sədri Mövsüm Səmədovun 12 saylı həbsxanada işgəncələrə məruz qalmasıdır.

Komitə sədri, tarixçi-professor Cəmil Həsənli, eləcə də istisnasız olaraq bütün qalan natiqlər cəmiyyəti, xüsuslilə ziyalıları bu işgəncələrə biganə qalmamağa, buna münasibət ifadə etməyə çağırıblar. Tanınmış kinodramturq Rüstəm İbrahimbəyovun və yazıçı Çingiz Hüseynovun bu işgəncələrə münasibəti nəzərə çatdırılıb. Hər iki ziyalı L.Yunusa işgəncələrlə bağlı “vətəndə baş verənlərə görə xəcalət çəkdiklərini” bildiriblər.

Penitensiar xidmətin Fəqan Yaqubov adlı əməkdaşının L.Yunusa verdiyi işgəncəni şəxsən İlham Əliyevin sanksiyalaşdırdığı iddia edilib. Hətta müttəhimlərə işgəncə verən 21 belə şəxsin müəyyən olunduğu, onların adlarının mətbuata açıqlanacağı deyilib. “Əgər bu işgəncə əmri yuxarıdan gəlməyibsə, o zaman özbaşınalığa görə İlham Əliyev onları cəzalandırsın”, - deyə komitə sədri mövqeyini ifadə edib. Eyni zamanda, L.Yunusa olan bu işgəncə iqtidarın Azərbaycan cəmiyyətində qadına olan münasibətləti ayaq altına almaq kimi dəyələndirilib. Ölkədə cəzasızlıq şəraitinin hökm sürdüyü nəzərə çatdırılıb, buna səbəb kimi isə məhkəmə hakimiyyətinin müstəqil olmaması göstərilib. “Bu ölkədə məhkəmə islahatı naminə dəyişən ancaq hakimlərin geyimləri olub”, deyə C.Həsənli iqtidarın məhkəmə sistemində ciddi islahatlar olması haqda bəyanatlarını rədd edib. Bu işgəncələrə mövqe bildirməyən ziyalıların özlərini ziyalı saymaq haqlarının olmadığı vurğulanıb.  

İqtidarın xalqı “həbs qorxusu” ilə idarə etdiyi qeyd olunub. Amma NİDA-çı gənclərin həbslərilə bu qorxu hissinin alt-üst olduğu vurğulanıb. “Xalq “həbs qorxusu”ndan xilas olduğu üçün hakimiyyət indi də zindanlarda “işgəncə xofu” yaratmaq hissilə insanları idarə etməyə çalışır”, deyə Ziyalılar Birlyinin sədri Eldəniz Quliyev qeyd edib.

Qadına belə münasibət xüsusi tənqid obyeti olub. Ölkə qadınlarına münasibətdə iqtidarın ikili standartlara malik siyasəti olduğu deyilib. Komitə üzvü Gultəkin Hacıbəyli iqtidarın müstəqil mövqeyə malik olan insanlara və o cümlədən qadınlara bir, onun siyasətinə “ləbbeyk” deynələrə bir başqa münasibət bəslədiyini nəzərə çatdırıb.

Qarabağ İslami Müqavimət Hərəkatının rəhbəri Pövşən Əhmədli arıtq 6-cı gündür ki, AİP sədri M.Səmədovun 21 saylı həbsxanada “karser”ə salındığını, hələ bundan sonra da 6 gün cəza çəkəcəyini deyib. AİP sədrinin aclıq etdiyini nəzərə çatdırıb. Onun fikrincə, AİP sədrinin 12 saylı həbsxanaya gətirilməsi, karserə salınması təsadüfi deyil. Burada cəza çəkən digər nüfuzlu ilahiyyatçı Tale Bağırzadəni bu cəzalara qarşı etirazlara vadar etməklə az müddət qalan cəzasını artırmaq niyyəti güdüldüyü iddia edilib.

“Bu Azərbaycan hakimiyyətinin öz vətəndaşlarına qarşı mübarizəsini davam etdirməsidir”, deyə Xalq Cəbhəsi Partiyasının sədri Əli Kərimli işgəncələrə münasibətini ifadə edib. İ.Əliyev hikkəsinin hakimiyyəti də, hakmiyyətlə birgə xalqı, milləti və dövləti də uçuruma apardığını qeyd edib. Ə.Kərimli QHT-ləri L.Yunusa işgəncə faktına münasibət bildirməyə dəvət edib. AXCP-də bu həbslərə etiraz olaraq aksiyalar keçirilməsi barədə müzakirələr getdyini söyləyib. İşgəncə faktları ilə bağlı beynəlxalq qurumların ətraflı məlumatlandırılması üçün xüsusi sənəd hazırlanması təklif olunub.

Tədbirin yekunu kimi komitə işgəncələrə etiraz olaraq bəyanat qəbul edib.-05C-