Bu gün Şirvan Apellyasiya Məhkəməsində hakim Ələsgər Novruzovun sədrliyi ilə satirik şair, narkotik maddənin qanunsuz dövriyyəsi ittihamı ilə 6 il müddətinə azadlıqdan məhrum edilmiş Tofiq Həsənlinin şikayəti üzrə qərar açıqlanıb.
Vəkil Elçin Sadıqov Turan-a bildirib ki, dövlət ittihamçısı hökmün qüvvədə saxlanmasını istəyib, vəkil isə T.Həsənliyə bəraət verilməsini xahiş edib.
Şair özü saxlanma zamanı polisin qanun pozuntusuna yol verdiyini deyib. Belə ki, onun çalışdığı mağazada sanksiyasız, vəkil və mülkiyyətçinin iştirakı olmadan axtarış aparılıb.
T.Həsənli ona bəraət verilməsini və ya saxlanıldığı müddətin cəza müddətinə hesablanması üçün ittihamın az ağır maddəyə tövsif edilməsini xahiş edib.
Ancaq məhkəmə hökmü dəyişməyib.
Müdafiə tərəfi Ali Məhkəməyə kassasiya şikayəti vermək, sonra isə Avropa İnsan Hüquqları Məhkəməsinə müraciət etmək niyyətindədir.
Tofiq Həsənli 2016-cı il avqustun 22-də qanunsuz narkotik maddə dövriyyəsi ittihamı ilə 6 il müddətinə azadlıqdan məhrum edilib.
O, hakimiyyətin və dövlət məmurlarının ünvanına tənqidi şerləri ilə tanınır.
2005-ci ildə narkotik maddəyə görə 3 il müddətinə azadlıqdan məhrum edilib, amma 2007-ci ildə amnistiya ilə azadlığa buraxılıb.
T.Həsənli Facebook və Youtube-da satiralarını dərc etdirməyə davam edib. 2015-ci ilin yanvarında həbslə hədələndiyini bildirib, oktyabrda isə saxlanılıb.-06B-
Cəmiyyət
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
-
2025-ci ilə qədəm qoyduqca, dünya müxtəlif sahələrdə əhəmiyyətli inkişaflarla qlobal mənzərəmizi yenidən formalaşdırmağa hazır olan həlledici bir mərhələdə dayanır.
-
Avstraliyalı demoqraf və sosioloq Mark Makkrindl “Beta Nəsli”nin yaranmasını təsvir edib — o, bu demoqrafik qrupu 2025-2039-cu illər arasında doğulan insanlar kimi müəyyənləşdirərək, qlobal nəsil kimliyində yeni bir fəsil açıldığını vurğulayıb.
Rəy yaz