Bakı Apellyasiya Məhkəməsi “Müsəlman Birliyi” Hərəkatının lideri Taleh Bağırzadənin ev dustaqlığına buraxılmasından imtina ilə bağlı şikayətini təmin etməyib. Bu barədə Turan-a vəkil Cavad Cavadov bildirib.
T.Bağırzadənin işi üzrə ibtidai istintaq başa çatmaqdadır. Bu həftə CM-in 120 (qəsdən adam öldürmə) və 29,120 (qəsdən adam öldürməyə cəhd) maddələrinin bəzi bəndləri üzrə yeni ittihamlar irəli sürülüb.
T.Bağırzadə 2015-ci il noyabrın 26-da Nardaranda keçirilən xüsusi əməliyyatlar zamanı polis əməkdaşlarının qətlində və yaralanmasında ittiham edilir.
Bundan əlavə, ona qarşı CM-in 228-ci (qanunsuz silah gəzdirmə) maddəsi üzrə yeni ittiham irəli sürülüb.
Bundan öncə B.Bağırzadə kütləvi iğtişaşların hazırlanmasında, hakimiyyətin ələ keçirilməsi cəhdində, qanunsuz birləşmələrin yaradılmasında, dövlət əleyhinə açıq çağırışlarda, polisə müqavimətdə ittiham olunub. Bu maddələr üzrə onu ömürlük həbs cəzası gözləyir.—06D--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz