Apellyasiya Məhkəməsi vəkillərinin iştirakı olmadan �Nardaran işi�nin fiqurantları barədə gərar çıxarıb
Bakı/21.07.17/Turan: İyulun 20-də Bakı Apellyasiya Məhkəməsi "Nardaran işi" üzrə təqsirləndirilən şəxslərin şikayəti üzrə birinci instansiya məhkəməsinin hökmünün qüvvədə saxlanması barədə qərar çıxarıb. Vəkillər məhkəmənin hökmü vəkillərin iştirakı olmadan elan etdiyini bildirirlər.
Xatırladaq ki, dünənki prosesdə hakim bütün müttəhimlərin son sözlə çıxış etməsinə imkan vermədən, sözü prokurora verdiyinə görə təqsirləndirilən şəxslər etiraz aksiyası təşkil ediblər.
Təqsirləndirilən şəxslər buna cavab olaraq ayaqqabılarını və su şüşələrini hakimlərə atmağa başlayıblar və hakim iclası qeyri-müəyyən vaxt üçün dayandırıb.
Amma məlum olub ki, vəkillər məhkəmə zalını tərk etdikdən sonra iclas bərpa edilib və hökm elan olunub.
Bu barədə vəkillər Cavad Cavadov və Fariz Namazlı bildirib.
Vəki Namazlı Turan-ın müxbiri ilə söhbətində bunu təqsirləndirilənlərin müdafiə hüququnun pozulması kimi qiymətləndirib.
O deyib ki, müdafiə tərəfi BAM-ın qərarından kassasiya şikayəti verəcək.
Xatırladaq ki, bu işin fiqurantları "Müsəlman Birliyi" hərəkatının lideri Taleh Bağırzadə və daha 16 dindar, habelə Xalq Cəbhəsi Partiyasının sədr müavini Fuad Qəhrəmanlıdır.
Onlar 2015-ci ilin noyabr-dekabr aylarında Nardaranda həbs ediliblər və dövlət quruluşunu zorla dəyişməyə hazırlıq, qanunsuz silah saxlama və digər ciddi cinayətlərdə ittiham olunaraq uzunmüddətli həbs cəzasına məhkum edilib.
Hüquq müdafiə təşkilatlarının monitorinqlərinə əsasən, birinci instansiya məhkəməsində bu ittihamlar təsdiqini tapmayıb. Təqsirləndirilən şəxslər iddia ediblər ki, etirafedici ifadələri işgəncə altında veriblər.
Beynəlxalq təşkilatlar ədalətsiz məhkəmə hökmünü pisləyiblər. Fuad Qəhrəmanlı "vicdan məhbusu" kimi tanınıb. Onun ümumiyyətlə Nardaran hadisələri ilə əlaqəsi yoxdur. -06D-
-
- Maliyyə
- 21 İyul 2017 12:00
-
- İqtisadiyyat
- 21 İyul 2017 12:40
Cəmiyyət
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
Yanvarın 19-da səhər və axşam paytaxtda yağış yağacağı gözlənilir. Səhər bəzi yerlərdə duman olacaq. Cənub-şərq küləyi əsəcək. Havanın temperaturu gecə müsbət 3+6, gündüz müsbət 7+11 dərəcə olacaq. Rütubət 70-80 faiz olacaq.
Rəy yaz