Apellyasiya Məhkəməsində İ.Məmmədovun və T.Yaqublunun işinə təkrar baxılması təxirə salınıb
Şəki Apellyasiya Məhkəməsində ReAl hərəkatının lideri İlqar Məmmədovun və Müsavat Partiyasının sədr müavini, publisist Tofiq Yaqublunun işinə təkrar baxılması qeyri-müəyyən müddətə təxirə salınıb.
Bu barədə Turan-a Məmmədovun vəkili Fuad Ağayev bildirib.
Buna Penitensiar Xidmətin Məmmədov və Yaqublunun Bakıdakı cəzaçəkmə müəssisəsindən məhkəməyə gətirilməsinin mümkün olmadığı barədə məktub səbəb olub.
Öz növbəsində, vəkillər bu yaxınlarda açılmış Şəki Məhkəmə Kompleksində təqsirləndirilən şəxslərin İnternetdə video-konfrans vasitəsilə iştirakının təmin edilməsi üçün bütün imkanlar olduğunu qeyd ediblər. Həm də Məmmədov və Yaqublu özləri dinləmələri onların iştirakı olmadan keçirmək xahişi ilə ərizə yazıblar.
Lakin hakimlər müdafiə tərəfinin dəlillərini diqqətə almayıblar və prosesi qeyri-müəyyən müddətə təxirə salıblar.
Vəkillər növbəti iclasın tarixinin elan edilməməsi ilə bağlı narahatlıqlarını bildiriblər.
Vəkil Ağayev xatırladıb ki, 13 yanvar 2015-ci il tarixində Ali Məhkəmənn bu iş üzrə iclası da qeyri-müəyyən müddətə təxirə salınmışdı və növbəti proses yalnız oktyabrda keçirildi.
Yaqublunun vəkili Nemət Kərimli məhkəmənin hərəkətlərini işə baxılmasının və təqsirləndirilən şəxslərin həbsdə saxlanılması müddətinin əsassız olaraq uzadılması kimi qiymətləndirib.
Xatırladaq ki, oktyabrın 13-də Ali Məhkəmə kassasiya şikayətinə baxaraq, işi təkrar baxılması üçün Şəkil Apellyasiya Məhkəməsinə göndərib.
AİHM hələ bir il əvvəl Məmmədovun şikayətini təmin edib və onun azad edilməsi barədə hökm çıxarıb. AŞ Nazirlər Komitəsi dəfələrlə Azərbaycan hökumətini Strasburq Məhkəməsinin qərarlarını icra etməyə çağırıb. Lakin hakimiyyət bu tələbə məhəl qoymayıb. Ötən ilin noyabrında AİHM Yaqublunun şikayətini də təmin edib.
Xatırladaq ki, Məmmədov və Yaqublu 2013-cü ilin yanvarında İsmayıllı şəhərində kütləvi iğtişaşların təşkili ittihamı ilə mühakimə olunublar və müvafiq olaraq 7 və 5 il müddətinə azadlıqdan məhrum ediliblər.
Lakin onlar ittihamı saxta və siyasi motivli hesab edirlər. Amnesty İnternational onları “vicdan məhbusu” kimi tanıyıb. -03B06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz