Bakı Apellyasiya Məhkəməsində Leyla və Arif Yunusun müalicə üçün Azərbaycandan çıxmaq hüququndan imtina ilə bağlı şikayətlərinə baxılması martın 4-nə təyin edilib.
Şikayətə Həsən Əhmədovun sədrlik etdiyi hakim heyəti baxacaq.
Bu barədə Yunusların vəkili Elçin Sadıqov bildirib.
O xatırladıb ki, bir müddət əvvəl Yasamal rayon məhkəməsi onların analoji iddiasını təmin etməyib.
Xüsusi icazə tələbi Yunusların cinayət cəzasının olması ilə bağlıdır.
Leyla və Arif Yunus 2014-cü ilin iyul-avqust aylarında həbs olunublar, 2015-ci ildə isə əmlakları müsadirə olunmaqla, 8,5 və 7 il müddətinə azadlıqdan məhrum ediliblər. Həbs edildikdən bir il sonra Bakı Apellyasiya Məhkəməsi Arif Yunus barəsində, bir müddət sonra isə Leyla Yunus barəsində hökmü beş il “şərti” cəza ilə əvəz edib.
Arif Yunus hipertoniyadan əziyyət çəkir, dəfələrlə hipertoniya krizisi keçirib. Leyla Yunusda həbsdən sonra kəskinləşmiş hepatit C, ağır formalı diabet və digər xəstəliklər var. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz