Aprelin 22-də Şəki Apellyasiya Məhkəməsində İlqar Məmmədovla Tofiq Yaqublunun şikayətinə baxılacaq
REAL Hərəkatının lideri İlqar Məmmədovun apellyasiya şikayətinə təkrar baxılmasının vaxtı məlum olub. Dinləmələr aprelin 22-də Şəki Apellyasiya Məhkəməsində olacaq. Bu barədə vəkil Cavad Cavadov bildirib.
Bu iş üzrə digər müttəhim, Müsavat Partiyası sədrinin müavini Tofiq Yaqublunun əfv əsasında azadlığa buraxılmasına baxmayaraq, onun şikayəti qüvvədə qalır. Onun vəkili Nemət Kərimli bildirib ki, müdafiə tərəfi tam bəraət verilməsinə çalışır.
Xatırladaq ki, İ.Məmmədov və T.Yaqublu 2013-cü ilin yanvarında İsmayıllıda kütləvi iğtişaşların təşkilində ittiham olunaraq mühakimə ediliblər. Onlar müvafiq olaraq 7 və 5 il müddətinə azadlıqdan məhrum olunub.
Avropa İnsan Hüquqları Məhkəməsi həbs zamanı onların hüquqlarının pozulmasını müəyyən edib və azad olunmaları barədə qərar qəbul edib.
2015-ci il oktyabrın 13-də Ali Məhkəmə kassasiya şikayətinə baxaraq işi təkrar baxılmaq üçün Şəki Apellyasiya Məhkəməsinə göndərib. Bundan sonra işə baxılması yubadılıb və nəhayət, fevralın 25-nə təyin edilib. Lakin Penitensiar Xidmətin müttəhimləri Şəkiyə aparmaq üçün nəqliyyatı “çatışmadığından” dinləmələr baş tutmayıb.
“Beynəlxalq amnistiya” təşkilatı İ.Məmmədov və T.Yaqublunu “vicdan məhbusu” kimi tanıyıb.06D--
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz