![ARDND-də MHŞT-nin islahedici proqramı müzakirə olunub](https://turan.az/resized/750/500/resize/media/2016/main/122100178543.jpg)
ARDND-də MHŞT-nin islahedici proqramı müzakirə olunub
Dövlət Neft Fondunda (ARDNF) Mədən Hasilatı üzrə Şəffaflıq Təşəbbüsünün (MHŞT) Azərbaycanda tətbiqinə dair Çoxtərəfli Qrupun (ÇQ) növbəti iclası keçirilib.
ARDNF-nin məlumatına görə, iclasda Dünya Bankının nümayəndələri də iştirak edib.
MHŞT məlumatlarının dövlət qurumlarının hesabatvermə mexanizmlərinə inteqrasiya edilməsi yolu ilə mütəmadi açıqlanması, bu mexanizmin tətbiqi ilə bağlı DB tərəfindən göstəriləcək texniki yardımla bağlı məsələlər müzakirə edilib.
İclasda, 2015-ci ili əhatə edən MHŞT Hesabatı, MHŞT Beynəlxalq İdarə Heyətinin Azərbaycana dair qəbul etdiyi islahedici tədbirlər üzrə Fəaliyyət Planı və s. müzakirə olunub.
Bundan başqa, 2016-cı il üzrə iş planının icra vəziyyəti, 2017-ci il üzrə illik iş planının məqsədlərinin milli prioritetlərə uyğun müəyyən edilməsi, MHŞT məlumatlarının əldə edilməsi, dərc edilməsi və təkrar istifadəsi məsələləri də müzakirə edilib.
Xatırladaq ki, 2016-cı ilin oktyabrında MHŞT beynəlxalq idarə heyəti Azərbaycana vətəndaş cəmiyyətinin işi üçün şəraiti yaxşılaşdırmaq üçün 2017-ci ilin martına qədər vaxt verib. Bunsuz Azərbaycanın bu təşkilata tamhüquqlu üzvlüyü bərpa edilməyəcək.
Bir il əvvəl QHT-lərə qarşı repressiyalar və vətəndaş cəmiyyətinin hüquq və azadlıqlarının pozulması ilə əlaqədar Azərbaycanın statusu namizəd üzvlüyə endirilib. -05D06-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz